छत्तीसगढ़ी सिनेमा म शार्ट फिल्म अउ वेब फिल्म के अपन अलग दौर रहिस हाबे, ये काहन के छत्तीसगढ़ी सिनेमा ह वीडियो फिल्म के दौर ले बड़े पर्दा म आये हाबे। अब तो सोशल मीडिया के आए ले, वेब फिल्म खातिर गजब मउका हाबे। इही ओढ़र म हमर छत्तीसगढ़ी सिनेमा के दर्शक मन बर एसवी फिल्म्स वर्ल्ड (SV Films World) के बैनर तले बने नवा छत्तीसगढ़ी वेब फिल्म 'दण्डकारण्य' (Dandkaranya) के धमाकेदार ऑफिशियल ट्रेलर यूट्यूब मा लॉन्च होगे हावय। ट्रेलर रिलीज होवे के बाद ले संगवारी मनके भरपूर मया, दुलार अउ आशीर्वाद मिलत हे। ये फिल्म अवइया 17 मई के रिलीज बर पूरा तइयार हावय।
दण्डकारण्य (Dandkaranya) बछर 2026 मा रिलीज होवइया एक जबरदस्त छत्तीसगढ़ी भाषा के वेब फीचर फिल्म आए। ये फिल्म के निर्देशन अमित डड़सेना डहर ले करे गे हे अउ एकर निर्माता संजीव कुमार साहू हे। फिल्म के कहानी अउ पटकथा वंदना साहू ह लिखे हे। ये फिल्म मुख्य रूप से भारत के छत्तीसगढ़ राज्य के बस्तर अंचल के मूलवासी (आदिवासी) मन के जल, जंगल, जमीन के अधिकार अउ ओकर मन के संघर्ष ऊपर अधारित हे।
कथानक (Synopsis)
'दण्डकारण्य' के पृष्ठभूमि छत्तीसगढ़ के बस्तर संभाग के जंगल अउ जनजातीय परिवेश ऊपर अधारित हे। फिल्म के कहानी बस्तर के आदिवासी मन के पारंपरिक अधिकार, जल-जंगल-जमीन के सुरक्षा अउ ओकर अस्तित्व के संघर्ष के एक अनकही दास्तान ला परदा म देखाथे। फिल्म के निर्माता मन के मुताबिक, भले ही फिल्म के सबो पात्र अउ घटना काल्पनिक ए, फेर येहा बस्तर के मूल निवासी मन के वास्तविक सांस्कृतिक अउ सामाजिक संवेदना ला देखाही।
कलाकार (Cast)
फिल्म म छत्तीसगढ़ी सिनेमा अउ डिजिटल प्लेटफॉर्म के कतको नामी अउ नवा कलाकार मन ह अभिनय करे हें:
- बिंदास बहुरानी
- कुंदन साहू
- राकेश यादव
- संजीव कुमार
- कोमल दास साहू
- जगेश्वर साहू
- भुवी यादव
- देवेश सिन्हा
- मुन्ना देशमुख
- सोनू
- गोलू पटेल
- रीतु पटेल
- तिकेश साहू
- कान्हा साहू (बाल कलाकार)
निर्माण अउ तकनीकी टीम (Production & Crew)
फिल्म के निर्माण एसवी फिल्म्स वर्ल्ड के बैनर तले करे गे हे। फिल्म के मुख्य सूटिंग (Shooting) छत्तीसगढ़ के बस्तर जिला के वनांचल म गए हे ताकि कहानी के मूल रूप बने रहे।
- निर्माता: संजीव कुमार साहू
- निर्देशक: अमित डड़सेना
- सह-निर्देशक: प्रिया डड़सेना
- लेखक (कहानी अउ पटकथा): वंदना साहू
- कैमरा अउ संपादन (DOP & Editor): हरीश पटेल
- कोरियोग्राफर: राकेश यादव
- कपड़ा सज्जा (Costume Designers): वंदना साहू, कुंदन साहू, जगेश्वर साहू (कोसा घर, सत्ती माता मंदिर, सदर बाजार, रायपुर)
- कला निर्देशक (Art Designers): संजीव कुमार, वंदना साहू
- पोस्टमैन (Post Production): पी.के. स्टूडियो, डोंगरागढ़
- अवाज कलाकार (Voice Artists): आशुतोष प्रसाद, प्रिया मिश्रा
संगीत (Soundtrack)
फिल्म के गीत मन ला छत्तीसगढ़ी लोक संगीत अउ आधुनिक बाजा मन के मेल ले तैयार करे गए हे।
- गीतकार: दानी वर्मा, दिलीप पटेल, वंदना साहू, ए. रोशन
- संगीत निर्देशक: सूरज महानंद, ए. रोशन
- गायक (Singers): शिवानी जांगड़े, मालती निषाद, दानी वर्मा, अनुराग साहू, ए. रोशन
- बैकग्राउंड म्यूजिक (BGM): सूरज महानंद
- ऑडियो मिक्सिंग: तेज प्रकाश कुर्रे (मेलॉडी पॉइंट स्टूडियो)
फिल्म के ऑफिशियल ट्रेलर यहाँ देखव:
- मूलवासी मनके अधिकार के हुंकार 'दण्डकारण्य' के सफलता खातिर बिंदार बहुरानी अउ ओकर पूरा टीम ल- अंजोर छत्तीसगढ़ी वेबसाइट अउ संपादक जयंत साहू कोति ले गाड़ा-गाड़ा बधाई अउ शुभकामना।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।