10 अप्रैल के रिलीज होही छत्तीसगढ़ी फिलिम 'मया दे दे मयारू 2' : मन कुरैशी, इशिका यादव, दीक्षा जायसवाल, लक्षित झांझी अभिनीत

रायपुर। छत्तीसगढ़ी सिनेमा के देखइया मन खातिर एसो के गरमी बड़ मनभावन होही, काबर के अवइया हाबे प्रेम चंद्राकर अउ भूपेंद्र साहू के फिलिम। मिले आरो के मुताबिक अमन मुव्ही मार्क अलक राय के प्रस्तुति अउ प्रेम चन्द्राकर-भूपेन्द्र साहू कृत छत्तीसगढ़ी फ़िल्म 'मया दे दे मयारू 2' के रिलीज डेट के घोषणा होगे हे। ये फ़िल्म 10 अप्रैल 2026 ले नजदीक के सिनेमाघर मन म रिलीज होही।

मया अउ रोमांस के नवा रंग

पोस्टर देख के आकब होवत हाबे के ये फिलिम एक पारिवारिक अउ जबरदस्त लव स्टोरी वाला हे। फ़िल्म म मन कुरैशी अउ दीक्षा जायसवाल के साथ-साथ लक्षित झांझी अउ इशिका यादव के जोड़ी घलो मुख्य आकर्षण के केंद्र रइही।

अनुभवी टीम के मेहनत

ए फ़िल्म ला छत्तीसगढ़ी सिनेमा के मंझे हुए कलाकार अउ तकनीशियन मन मिलके बनाय हें:

• निर्माता: अलक राय
• निर्देशक: प्रेम चन्द्राकर अउ भूपेन्द्र साहू
• कहानी, पटकथा, गीत अउ संगीत: प्रेम चन्द्राकर
• संवाद: भूपेन्द्र साहू
• डीओपी: दिलीप राय (कटक)
• कार्यकारी निर्माता: अमन राय

कलाकार मन के लंबी फौज

फ़िल्म में मंझे हुए कलाकार मन के जमावड़ा हे, मन कुरैशी, इशिका यादव, दीक्षा जायसवाल, लक्षित झांझी, सुरेश गोंडाले, अंजली चौहान, आरवी सिन्हा, विनय अम्बष्ट, क्रांति दीक्षित, डॉ. अजय सहाय, पूनम गोस्वामी अउ सोमनाथ साहू अपन अभिनय के जलवा बिखेरही।