रायपुर 06 अप्रैल 2026। भारतीय थल सेना म अग्निवीर भरती बर आवेदन करे के आखिरी तारीख पहिली 01 अप्रैल 2026 तक रहिस, जेला अब बढ़ाके 10 अप्रैल 2026 कर दे गे हे।
इंडियन आर्मी रैली 2026 अग्निवीर बर 25 हजार पद निकाले गे हे। एमा 8वीं पास ले लेके स्नातक (ग्रेजुएट) तक के मनखे मन जीडी, ट्रेडमैन, क्लर्क अउ टेक्नीशियन बर पात्र हें।
- उमर: 17.5 ले 23 बछर (हवलदार बर 20 ले 25 बछर)।
- पात्रता: सिरिफ अविवाहित पुरुष अउ महिला मन आवेदन कर सकथें।
- फीस: सबो वर्ग बर आवेदन फीस 250 रूपिया हे।
जम्मो इच्छुक मनखे मन ह वेबसाइट (www.joinindianarmy.nic.in) म जाके अपन ऑनलाइन रजिस्ट्रेशन करवा सकथें। ए भरती ह अग्निवीर तकनीकी, क्लर्क/स्टोर कीपर अउ ट्रेडमेन के पद बर निकाले गे हे। एकर अलावा सिपाही के पद बर घलो पुरुष मन ले आवेदन मंगाए गे हे।
परीक्षा अउ तैयारी:
जे मनखे मन आवेदन कर डारे हें, उनकर लिखित परीक्षा बर सेना भरती कार्यालय रायपुर कोती ले 01 जून ले 15 जून तक ऑनलाइन परीक्षा (सीईई) होय के संभावना हे। खास बात ये हे कि अग्निवीर भरती बर छ.ग. रोजगार विभाग कोती ले निःशुल्क (फ्री) कोचिंग घलो दे जाही।
निःशुल्क ऑनलाइन कोचिंग बर आवेदन:
जे मनखे मन लिखित परीक्षा बर फ्री ऑनलाइन कोचिंग पाना चाहत हें, ओमन रोजगार विभाग के पोर्टल https://erojgar.cg.gov.in म जाके 'अग्निवीर भरती 2026' के फ्री ट्रेनिंग वाले लिंक मं क्लिक करके अपन जानकारी भर सकथें। ज्यादा जानकारी बर जिला रोजगार कार्यालय अउ स्वरोजगार मार्गदर्शन केन्द्र सूरजपुर (छ.ग.) म संपर्क करे जा सकथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।