रायपुर: छत्तीसगढ़ी सिनेमा प्रेमी मन बर एक खुशी के खबर हावय। लिची ड्रीमलैंड स्टूडियो कोति ले बने बहुचर्चित पारिवारिक फिल्म 'प्रेम रोग' के प्रदर्शन के तारीख तय होगे हे। ये फिल्म आऊ वाले 1 मई 2026 ले प्रदेश के सब्बो बड़े सिनेमाघर मन मा भव्य रूप ले प्रदर्शित होही।
✨ फिल्म के खास बात
'प्रेम रोग' मा दर्शक मन ला रोमांस, एक्शन, कॉमेडी अउ ड्रामा के जबरदस्त तड़का देखे बर मिलही। फिल्म के गीत-संगीत ला घलो बहुत सुमधुर बनाए गे हे, जेकर जिम्मेदारी मशहूर संगीतकार सुनील सोनी हा निभाए हें।
🎥 कलाकार अउ टीम
फिल्म मा मुख्य भूमिका मा अनिल सिन्हा अउ शालिनी विश्वकर्मा नजर अइही। पोस्टर मा फिल्म के पूरा टीम के उत्साह साफ देखे जा सकत हे।
- निर्माता: आर्यन जैन
- निर्देशक: संजय जैन
- सह-निर्माता: नवीन साहू
- क्रिएटिव डायरेक्टर: क्रांति दीक्षित
- एग्जीक्यूटिव डायरेक्टर: सनी सिन्हा
📢 जन-जन ले अपील
फिल्म के टीम हा अपील करे हे कि अपन नजदीकी टॉकीज मा जाके ये फिल्म ला जरूर देखव अउ छत्तीसगढ़ी सिनेमा ला अपन मया-आशीर्वाद देव।
ये खबर ल ज्यादा ले ज्यादा शेयर करके फिल्म के परचार-प्रसार म सहयोग करव।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।