साइंस कॉलेज मैदान, रायपुर में 'खेलो इंडिया नेशनल ट्राइबल गेम्स' के सुग्घर शुरुआत सांस्कृतिक कार्यक्रम के संग हमर प्रदेश के यशस्वी मुख्यमंत्री माननीय श्री विष्णु देव साय जी, माननीय उपमुख्यमंत्री श्री अरुण साव जी अउ भारत सरकार के केंद्रीय खेल अउ युवा मामला के माननीय मंत्री श्री डॉ. मनसुख मांडविया जी ह करिन।
देश के ये पहली 'खेलो इंडिया नेशनल ट्राइबल गेम्स' पूरा देश के जनजातीय खेल प्रतिभा मन ला आगू लाय बर एक ठन बड़का मंच बनही।
छत्तीसगढ़ के 3 करोड़ जनता बर सबले खुशी के बात ये हावे कि, माननीय केंद्रीय मंत्री मनसुख मांडविया जी ह मंच ले घोषणा करिन कि, हर बछर ये प्रतियोगिता के आयोजन छत्तीसगढ़ में ही करे जाही। संग में, उपमुख्यमंत्री अरुण साव जी अउ प्रदेश सरकार के खेल विभाग के प्रयास ले सब्बो सुविधा उपलब्ध कराय के भरोसा घलो दिस।
आदरणीय प्रधानमंत्री नरेंद्र मोदी जी के नेतृत्व में दुरिहा-दूरिहा सुदूर इलाका के खेल प्रतिभा मनला निखारे के काम करे जावत हे। इही लइका मन आगू चल के कॉमनवेल्थ अउ ओलंपिक जइसे बड़े खेल मन में देश के नाम रोशन करहीं।
ए मउका में मंत्री रामविचार नेताम जी, गजेंद्र यादव जी, राजेश अग्रवाल जी, माननीय सांसद श्रीमती लक्ष्मी वर्मा जी, जुन्ना अंतर्राष्ट्रीय हॉकी खिलाड़ी दिलीप तिर्की जी, अंतर्राष्ट्रीय वेटलिफ्टिंग खिलाड़ी मीरा बाई चानू जी, अउ विधायक मन—श्री सुनील सोनी जी, श्री मोतीलाल साहू जी, श्री अनुज शर्मा जी, श्री इंद्र कुमार साहू जी, श्री पुरंदर मिश्रा जी, महापौर श्रीमती मीनल चौबे जी, जिला पंचायत अध्यक्ष श्री नवीन अग्रवाल जी, श्री विक्रम सिसोदिया जी, निगम मंडल के अध्यक्ष मन, मुख्य सचिव श्री विकासशील सिंह जी, अउ सब्बो अधिकारी अउ खिलाड़ी मन उपस्थित रहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।