रायपुर/जांजगीर: जांजगीर-चांपा जिला के शासकीय हाई स्कूल मैदान अऊ कृषि विज्ञान केन्द्र जर्वे म 11 फरवरी ले चलत जाज्वल्यदेव लोक महोत्सव अऊ एग्रीटेक कृषि मेला 2026 के समापन काली, 13 फरवरी के संझा 5 बजे होही। ए कार्यक्रम मा मुख्य अतिथि के रूप मा कौशल विकास, तकनीकी शिक्षा, रोजगार अऊ अनुसूचित जाति विकास मंत्री गुरु खुशवंत सिंह साहेब सामिल होहीं।
ए मन होहीं अतिथि
समापन कार्यक्रम म छत्तीसगढ़ विधानसभा के नेता प्रतिपक्ष डॉ. चरणदास महंत अऊ जांजगीर-चांपा के सांसद श्रीमती कमलेश जांगड़े अति विशिष्ट अतिथि के रूप मा मौजूद रहि। एकर संग विधायक ब्यास कश्यप, राघवेन्द्र कुमार सिंह, श्रीमती शेषराज हरवंश, बालेश्वर साहू, जिला पंचायत अध्यक्ष श्रीमती सत्यलता आनंद मिरी अऊ अउरो कतकोन नेता मन विशिष्ट अतिथि के रूप म सामिल होहीं।
सांस्कृतिक कार्यक्रम के धूम
मेला के आखिरी दिन सांस्कृतिक कार्यक्रम मन के बड़ सुग्घर रंग जमे रहि:-
मंझनिया 3:30 ले 5 बजे तक: स्कूली लइका मन कोति ले रंगारंग प्रस्तुति।
संझा 5 ले 6 बजे तक: मल्लखंभ, पंथी नाच अऊ स्थानीय कलाकार मन के परफॉरमेंस।
संझा 6 ले रात 8 बजे तक: हमर छत्तीसगढ़ के मशहूर लोक गायिका आरू साहू अपन सुरीला अवाज बिखेरहीं।
रात 8 बजे ले: 'सारेगामा' विजेता अऊ बॉलीवुड गायिका इशिता विश्वकर्मा अपन गायकी ले मन ला मोह लिहीं।
खास बात: ए महोत्सव के जरिए खेती-किसानी के नवा तकनीक अऊ छत्तीसगढ़ के समृद्ध लोक संस्कृति ला एक मंच म लाए के कोसिस करे गे हे, जेकर ले किसान, युवा अऊ आम जनता ला बड़ लाभ मिलत हे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।