बिलासपुर। छत्तीसगढ़ी फिल्म जगत बर एक बड़का खबर आगू आय हे। "अमन मूवीमार्क" अउ "श्री आद्या इंटरटेनमेंट" कोति ले मंज़ुल ठाकुर निर्देशित नवा फिल्म 'आटाचक्की' के प्रचार-प्रसार बर एक भव्य 'ओपन मीट-अप' के आयोजन करे जावत हे।
कतका बखत अउ कहाँ होही कार्यक्रम?
इही अवइया इतवार, 25 जनवरी 2026 के बिलासपुर के सीएमडी चौक (लायंस क्लब) में ए कार्यक्रम के आयोजन होही। कार्यक्रम के समय मंझनिया 12 बजे ले सांझ 5 बजे तक रखे गये हे।
कोनो-कोनो सितारा मन ले होही भेंट?
ए मीट-अप में फिल्म के मुख्य कलाकार अउ छत्तीसगढ़ी सिनेमा के नामी चेहरा मन मौजूद रहिही, जेमा प्रमुख रूप ले:- दीक्षा जायसवाल, इशिका यादव, रिचा पाठक, श्री पाण्डे आदि।
एकर संग-संग फिल्म के निर्माता, निर्देशक अउ अउ कतको कलाकार मन घलो मौजूद रहिही, जेकर ले दर्शक मन ल सीधा गोठ-बात करे के मौका मिलही।
का हे फिल्म "आटाचक्की"?
मंज़ुल ठाकुर के निर्देशन अउ अलक राय-मंज़ुल ठाकुर के निर्माण में बने ए फिल्म के टैगलाइन हे— "काश.... ये कहानी सच न होती!!!"। फिल्म के गीत-संगीत प्रेम चंद्राकर जी ह तैयार करे हें। ए फिल्म ल लेके दर्शक मन के बीच अभी ले बड़ उत्साह देखे बर मिलत हे।
आयोजक मन ह सबो छत्तीसगढ़ी कला प्रेमी मन ल ए कार्यक्रम में शामिल होय बर अउ अपन चहेता कलाकार मन ले मिले बर न्योता (आमंत्रण) भेजे हें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।