रायपुर: छत्तीसगढ़ के बहुचर्चित फिल्म 'द बीरनपुर फाइल्स (ईश्वर सत्य है)' के रद्दा अब साफ हो गे हे। लगातार दू बार सेंसर ले रिजेक्ट होय के बाद, आखिर मुंबई ले फिल्म ला ग्रीन सिग्नल मिल गे हे। ये फिल्म ह आने वाला 27 मार्च 2026 के रामनउमी के सुभ दिन छत्तीसगढ़ के जम्मो सिनेमाघर मन म एक साथ रिलीज होही।
सत्य घटना के कहिनी: भुनेश्वर साहू के बलिदान
ये फिल्म ह विधायक ईश्वर साहू के बेटा भुनेश्वर साहू के हत्या कांड अउ बीरनपुर के सत्य घटना ऊपर आधारित हे। जब ले ये फिल्म के घोषणा होय रिहिस, तब ले ही एला लेके लोगन मन म भारी उत्सुकता अउ चर्चा रिहिस हे।
फिल्म के टीम ह जतात हे खुसी
फिल्म के सेंसर मिले के बाद निर्देशक हेमलाल चतुर्वेदी, हीरो पवन गांधी अउ निर्माता रमेश नाग ह सोशल मीडिया म जानकारी साझा करिन हे। ओमन फिल्म ले जुड़े जम्मो कलाकार, तकनीशियन अउ दर्शक मन ला बधाई दीन।
निर्देशक हेमलाल चतुर्वेदी जी के कहना हे कि:
"सत्य ह परेशान हो सकत हे, फेर पराजित नहीं। हमन जल्दी च प्रेस कॉन्फ्रेंस अउ मीटअप के माध्यम ले फिल्म के रिलीज अउ प्रमोशन के आधिकारिक जानकारी देबो।"
खास जानकारी:
- फिल्म के नाम: द बीरनपुर फाइल्स (ईश्वर सत्य है)
- रिलीज के तारीख: 27 मार्च 2026 (रामनउमी)
- कलाकार: पवन गांधी
- निर्देशक: हेमलाल चतुर्वेदी
- विषय: बीरनपुर कांड के सत्य घटना
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।