रायपुर: राष्ट्रीय स्वयंसेवक संघ (RSS) के शताब्दी बछर के पावन अवसर में राजधानी रायपुर के रोहिणीपुरम क्षेत्र में एक भव्य "विराट हिन्दू सम्मेलन" के आयोजन करे जावत हे। ये कार्यक्रम के मुख्य उद्देश्य हिन्दू समाज ल जागरूक करना अउ एकता के सूत्र में बांधना हे।
आयोजन समिति ह जम्मो सनातनी मन ले अपील करे हे कि अपन घर-परिवार अउ लइका-बच्चा मन के संग ये ऐतिहासिक पल के गवाह बने बर सम्मेलन में जरूर पहुँचें।
भक्ति, योग अउ संस्कृति के होही संगम
ये सम्मेलन में सिरिफ विचार गोष्ठी नई होही, बल्कि अध्यात्म अउ कला के सुग्घर मेल देखे बर मिलही। कार्यक्रम के रूपरेखा कुछ अइसन हे:
- सांस्कृतिक प्रस्तुति: स्थानीय अउ बाहरी कलाकार मन के द्वारा मनमोहक भजन अउ भक्ति संगीत।
- नृत्य नाटिका: रामायण अउ महाभारत के प्रसंग मन ऊपर आधारित नृत्य अउ नाटक।
- योग नृत्य: तन अउ मन ल जोड़इया योग के अनूठा प्रदर्शन।
- विद्वान वक्ता: बड़े-बड़े धार्मिक अउ सामाजिक वक्ता मन के प्रेरक उद्बोधन, जेकर ले युवा पीढ़ी ल अपन संस्कृति के जानकारी मिलही।
कार्यक्रम के बारे में डॉ. पुरुषोत्तम चंद्राकर ह बताइन कि ये सम्मेलन हिन्दू समाज बर अपन एकता अउ शक्ति देखाय के बड़े अवसर हे। शताब्दी बछर के खुसी में ये कार्यक्रम ल यादगार बनाय बर जम्मो तैयारी पूरा कर ले गए हे।
कार्यक्रम के विवरण:
तारीख: 18 जनवरी 2026 (इतवार)
समय: मंझनिया 2:00 बजे ले संझा 5:00 बजे तक
स्थान: इंडियन बैंक के आगू, मैदान, रोहिणीपुरम, रायपुर।
जम्मो सनातनी भाई-बहिनी मन ल न्योता हे कि भारी संख्या में पहुँच के ए विराट आयोजन ल सफल बनावन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।