राज्यपाल ह राजधानी के यातायात व्यवस्था अउ बढ़त दुर्घटना म जताई चिंता

छत्तीसगढ़ राज्यपाल रमेन डेका राजधानी रायपुर म बिगड़त यातायात व्यवस्था अउ लगातार बढ़त सड़क दुर्घटना ऊपर गहिर चिंता जताय हावंय। ओमन राजभवन म कलेक्टर अउ पुलिस अधीक्षक के संग बैठक लेके ये बिसय म बिस्तार म चर्चा करिन अउ जरूरी सुधारात्मक कदम उठाय बर निर्देश दिन।

राज्यपाल कहिन कि राजधानी म जनसंख्या अउ गाड़ी मन के संख्या के हिसाब ले यातायात व्यवस्था ला अउ जादा सुव्यवस्थित अउ अनुशासित बनाय जाय के जरूरत हवय। ओमन यातायात प्रबंधन अउ ट्रैफिक मॉनिटरिंग ला अउ प्रभावी बनाय बर निर्देश दिस।

बैठक म राज्यपाल श्री डेका कहिन कि सड़क दुर्घटना म मनखे के जान जाना बहुत दुखद बात हवय। जेकर रोकाय बर जिला प्रशासन अउ पुलिस विभाग ला कड़ाई ले कारवाही करे बर चाही। अवैध पार्किंग, नशा म गाड़ी चलाय, तेज गति ले गाड़ी चलाय, बिना हेलमेट या सीट बेल्ट के गाड़ी चलाय वाले मन ऊपर सख्त कारवाही करे जाय।

ओमन कहिन कि प्रशासनिक सतर्कता अउ जनता के सहयोग ले सुरक्षित यातायात के दिशा म सकारात्मक बदलाव लाय जा सकथें।