मुख्यमंत्री करिस शंकर पांडे के किताब ‘छत्तीसगढ़ अतीत ले अब तक’ के विमोचन

मुख्यमंत्री विष्णु देव साय राजधानी रायपुर म अपन निवास कार्यालय म वरिष्ठ पत्रकार शंकर पांडे के किताब ‘छत्तीसगढ़ अतीत ले अब तक’ के विमोचन करिन। मुख्यमंत्री ये किताब म छत्तीसगढ़ के अतीत ला समेठे के प्रयास के सराहना करत हुए पांडे ला बधाई अउ शुभकामना दिस।

मुख्यमंत्री साय ला श्री पांडे बताइन कि छत्तीसगढ़ ऊपर आधारित ये ओमन के छठवां किताब आय, जेमां छत्तीसगढ़ के महापुरुष मन, पर्यटन स्थल, प्राचीन इतिहास, राज परिवार अउ मंदिर मन के इतिहास से जुड़े जानकारी मन ला संकलित करे गे हवय। ओमन ये घलो बताइन कि किताब म छत्तीसगढ़ के अनेक अनछुए पहलू मन के संग राज्य के सब्बो मुख्यमंत्री, राज्यपाल, प्रमुख राजनीतिक घटना, राजनेता मन अउ साहित्यकार मन के भी जिक्र करे गे हवय।