जनजातीय गौरव दिवस कार्यक्रम: भगवान बिरसा मुण्डा के 150वीं जन्म जयंती के मउकाम होही 15 नवंबर सबो जिला म आयोजन

भगवान बिरसा मुँडा के 150वीं जनम जयंती के मउका म 15 नवम्बर के छत्तीसगढ़ के सबो जिला म जनजातीय गौरव दिवस के रूप म गरिमा के संग मनाय जाय। ये मौका म जिला-जिला म अलग-अलग कार्यक्रम रखे जाही। जिला मुख्यालय म होइया जनजातीय गौरव दिवस कार्यक्रम म मुख्यमंत्री, मंत्रीमंडल के सदस्य, सांसद अउ विधायक मन मुख्य अतिथि के रूप म शामिल रइही।

जनजातीय गौरव दिवस के मौका म प्रधानमंत्री नरेन्द्र मोदी के संबोधन के सीधा प्रसारण अधिकृत यू-ट्यूब चैनल अउ डीडी न्यूज म दिखाये जाही, जेकर देखे-सुने बर कार्यक्रम स्थल म पूरा इंतजाम होही। कारिक्रम के दौरान माननीय मुख्यमंत्री के संदेश पत्र के वाचन होही, संगे-संग 'पीएम जनमन', 'आदि कर्मयोगी', 'धरती आबा' जइसने योजना ऊपर आधारिक लघु फिल्म मन घलो प्रदर्शित करे जाहीं।

राज्य शासन के जारी कार्यक्रम अनुसार बस्तर जिला मुख्यालय जगदलपुर म मुख्यमंत्री विष्णुदेव साय के मुख्य आतिथ्य म जनजातीय गौरव दिवस के गरिमामय आयोजन होही। अउ ये अवसर म वन मंत्री केदार कश्यप अउ विधायक किरण सिंह देव विशेष अतिथि के रूप म मौजूद रइही।

दुर्ग जिला म जनजातीय गौरव दिवस के मुख्य अतिथि उप मुख्यमंत्री विजय शर्मा होहीं। बिलासपुर म उप मुख्यमंत्री अरुण साव, रायपुर म केन्द्रीय राज्यमंत्री तोखनलाल साहू, राजनांदगांव म विधानसभा अध्यक्ष डॉ. रमन सिंह, बलरामपुर म कृषि मंत्री रामविचार नेताम, बेमेतरा म खाद्य मंत्री दयालदास बघेल, मनेन्द्रगढ़-चिरमिरी-भरतपुर म स्वास्थ्य मंत्री श्याम बिहारी जायसवाल, कोरबा म उद्योग मंत्री लखनलाल देवांगन, रायगढ़ म राजस्व मंत्री टंकराम वर्मा, सरगुजा म वित्त मंत्री ओपी चौधरी, जांजगीर-चांपा म महिला अउ बाल विकास मंत्री श्रीमती लक्ष्मी राजवाड़े, महासमुंद म कौशल विकास मंत्री गुरू खुशवंत साहेब, कांकेर म स्कूल शिक्षा मंत्री गजेन्द्र यादव अउ कोरिया म पर्यटन-संस्कृति मंत्री राजेश अग्रवाल मुख्य अतिथि होहीं।

इही रकम ले बलौदाबाजार-भाटापारा म सांसद बृजमोहन अग्रवाल, सूरजपुर म सांसद चिंतामणि महाराज, खैरागढ़-छुईखदान-गंडई म सांसद विजय बघेल, कबीरधाम म सांसद संतोष पाण्डेय, बालोद म सांसद भोजराज नाग, गरियाबंद म सांसद श्रीमती रूपकुमारी चौधरी, जशपुर म सांसद राधेश्याम राठिया, सक्ती म सांसद श्रीमती कमलेश जांगड़े, बीजापुर म सांसद महेश कश्यप, सारंगढ़-बिलाईगढ़ म राज्यसभा सांसद देवेन्द्र प्रताप सिंह, मोहला-मानपुर-चौकी म विधायक डोमनलाल कोर्सेवाड़ा, धमतरी म विधायक अजय चन्द्राकर, कोंडागांव म विधायक सुश्री लता उसेंडी, मुंगेली म विधायक पुन्नूलाल मोहले, नारायणपुर म विधायक विक्रम उसेंडी, सुकमा म विधायक नीलकंठ टेकाम, दंतेवाड़ा म विधायक चैतराम अटामी अउ गौरेला-पेण्ड्रा-मरवाही म विधायक प्रणव कुमार मरपच्ची मुख्य अतिथि होहीं।

जनजातीय गौरव दिवस कार्यक्रम म जनजातीय स्वतंत्रता संग्राम सेनानी मन के परिजन, जनजातीय समाज के प्रमुख मन अउ प्रतिभाशाली विद्यार्थी मन ला सम्मानित करे जाही। जनजातीय संस्कृति, कला, भोजली-व्यंजन, हस्तशिल्प अउ सरकार के जनकल्याणकारी योजना मन के प्रदर्शनी संग लाभार्थी संवाद घलो जिला स्तरीय आयोजन के मुख्य आकर्षण होही। स्कूल, आश्रम शाला अउ आवासीय विद्यालय मन म घलो ये अवसर ऊपर अलग-अलग कार्यक्रम रखे जाहीं।

छत्तीसगढ़ी अनुवादक - जयंत साहू

संपादक

अंजोर: छत्तीसगढ़ी समाचार