मुख्यमंत्री विष्णुदेव साय के अध्यक्षता म कैबिनेट बइठक म लिस जरूरी फैंसला

1. खरीफ–रबी फसल मन के समर्थन दाम म खरीद-

मंत्रिपरिषद ये फैंसला करे हावय के राज्य म 2024–25 जइसनेच प्रधानमंत्री अन्नदाता आय संरक्षण अभियान (PM-AASHA) के तहत खरीफ अउ रबी फसल मन के समर्थन दाम म खरीदी करे जाही।

प्रधानमंत्री अन्नदाता आय संरक्षण अभियान के तहत खरीफ म अरहर, मूंग, उड़द, चना अउ रबी म गेहूँ-जौं जइसन फसल मन के समर्थन दाम म खरीदी होथे।

समर्थन दाम के व्यवस्था ले किसान मन ला अपन फसल के बढ़िया दाम मिलथे, जेकर ले किसान मन फायदा पाथें।

2. निर्माण विभाग मन के पुनर्गठन अउ एकगीकरण (Merger)-

मंत्रिपरिषद द्वारा निर्माण (विकास) विभाग म बदलाव करत लोक निर्माण विभाग ला वाणिज्य–उद्योग विभाग अउ लोक स्वास्थ्य यांत्रिकी विभाग के संग अभिसरित (मर्ज) करे बर मंजूरी दे गेय।

ये फैंसला सरकार के कामकाज म तेजी अउ पारदर्शिता बढ़ाय बर ले गेय हावय। एकर मुख्य उद्देस्य “कम शासन — अधिक सुशासन (Minimum Government, Maximum Governance)” ला लागू करना आय।

3. धान खरीदी बर कर्जा गारंटी मंजूर-

राज्य म समर्थन दाम म धान खरीदी के काम ला सुचारू चलाय बर 2024–25 बर बैंक अउ आर्थिक संस्था मन ले 15,000 करोर रुपिया के गारंटी कर्जा के प्रावधान नया रूप म मंजूर करे गेय।

सेग-संग विपणन संघ बर 11,200 करोर रुपिया के अतिरिक्त शासन गारंटी देय के फैंसला घलो करे गेय।

4. आवास योजना मन बर नवा नियम-

प्रधानमंत्री आवास योजना, वल्नरेबल हाउजिंग स्कीम, वल्नरेबल हाउजिंग प्रोजेक्ट अउ नई रायपुर मुख्यमंत्री आवास योजना बर पहिली के नियम–कायदा म बदलाव करत नवा प्रावधान जोड़े गेय-

(क) EWS (आर्थिक रूप ले कमजोर वर्ग) अउ LIG मकान–प्लॉट बर 3 बार निविदा निकल बर बाद अगर मकान बिके नई, ते येकर बिक्री आय वर्ग के अलावा अन्य पात्र हितग्राही मन ला घलो कीन सकत हवंय। फेर शासन ले अनुदान सिरिफ निर्धारित आय वर्ग वाले मन ला ही मिलही।

(ख) अगर 3 बार निविदा के बाद घलो मकान बिके नई, ते कोई निजी आदमी, सरकारी/अर्ध-सरकारी या निजी संस्था “Bulk Purchase” (एकेच बार जादा मकान खरीदी) के प्रस्ताव देवत हावय, ते ओ मन के मांग अनुसार मकान बेच सकहूँ। फेर ओमन ला शासन के अनुदान नई मिलही।

ये फैंसला के प्रचार-प्रसार बड़े पैमाना म करे जाही, जेन ले जियादा ले जियादा लोगन ला फायदा मिल सकय।

5. स्किल विकास बर जमीन आवंटन के फैंसला-

“शेखन बीज निकायानंद सिंह इंटरनेशनल स्किल सिस्टम, नई रायपुर एलीट सिटी” के संचालन अउ विकास बर छत्तीसगढ़ राज्य फेडरेटेड स्किल सोसाइटी ला अनुबंध अनुसार जमीन आवंटित करे के फैंसला मंजूर करे गेय। 

ये फैंसला ले राज्य के नवयुवक–युवती मन ला उच्च स्तरीय स्किल ट्रेनिंग, तकनीकी सुविधा अउ रोजगार के नवा मौका मिलही। राज्य म राष्ट्रीय अउ अंतरराष्ट्रीय स्तर के स्किल कार्यक्रम मन के आयोजन घलो बढ़ही।

छत्तीसगढ़ी अनुवादक - जयंत साहू

संपादक

अंजोर: छत्तीसगढ़ी समाचार