छत्तीसगढ़ी सिनेमा जगत म एक नवा आकर्षण ले भरे फिल्म “एम.ए. प्रीवियस (M.A Previous)” अब परदा म अवइया हे। अरन्य सिनेमा (Aranya Cinema) के बैनर तले बनाय गे ये फिल्म के भव्य प्रदर्शन 7 नवम्बर के रखे गे हे।
फिल्म के निर्देशन प्रणव झा के हाथ म हे, जेकर कहानी, पटकथा अउ संवाद घलो ओही लिखे हें। अपन हर फिल्म म नवा चेहरा अउ मौलिक कहानी ले पहचान बनाय वाले प्रणव झा ये दरी फेर एक ठन सामाजिक अउ मनोरंजक विषय ला स्क्रीन म उतारे हावय।
फिल्म के मुख्य कलाकार हें: दीपक साहू, राज वर्मा, हिरण्मयी दास, आराधना साहू, राजेश बघमारे, अंजली चौहान, लक्ष्मी झा, संजू साहू, धर्मेन्द्र चौबे, संगीता निषाद, राजू कोल्हाटकर, शमशीर सिवानी, मोहित जोशी, ओमप्रकाश शर्मा, मनीष झा, ओंकार साहू, सोनू यादव, चन्द्रप्रकाश चौधरी, शैलेन्द्र, अयूब झा अउ हितेश वासुदेव।
फिल्म के निर्माता राज वर्मा हें, जेन ह अरन्य सिनेमा के माध्यम ले छत्तीसगढ़ी फिल्म उद्योग म नवा जोश भरत हें। डी.ओ.पी. राज ठाकुर के कैमरा ह सुंदर सिनेमेटोग्राफी ले हर फ्रेम ला जीवंत बना देथें, जबकि संगीतकार सुनील सोनी के धुन अउ गीतकार विष्णु कोठारी के बोल मन ला छू लेथे।
- फिल्म के गाना मन ला सुनील सोनी अउ अनुराग शर्मा गाए हें, जेमा छत्तीसगढ़ी सुघ्घरपन झलकथे।
- कोरियोग्राफर चंदन दीप के नृत्य निर्देशन म तैयार गीत दृश्य ह दर्शक मन ला झुमाय बर मजबूर कर देथे।
- पोस्ट-प्रोडक्शन नीरज वर्मा अउ श्रेष्ठ स्टूडियो म होय हे, जबकि एडिटिंग के जिम्मेदारी श्रेष्ठ वर्मा निभाए हें।
- फिल्म के लाइन प्रोड्यूसर सोनू यादव, प्रोडक्शन मैनेजर धनराज साहू, अउ आर्ट डायरेक्टर चंदू वर्मा हें।
ट्रेलर ला दर्शक मन खूब पसंद करत हें- सोशल मीडिया म “एम.ए. प्रीवियस” के ऑफिशियल ट्रेलर के तारीफ होवत हे। ट्रेलर ले ही पता चलत हे कि फिल्म के कथा, निर्देशन अउ अभिनय तगड़ा हे।
- फिल्म के वितरण RLR Cinema द्वारा होही, जेन ह पूरा प्रदेश म प्रदर्शन के तैयारी करे हे। यूट्यूबर सौम्य रंजन राणा घलो फिल्म के प्रमोशन म जुड़ गे हें, जेकर ले नवा दर्शक वर्ग ला जोड़ाय के उम्मीद हे।
- “एम.ए. प्रीवियस” एक ऐसन फिल्म दिसत हे जेमां छत्तीसगढ़ी जीवनशैली, नवा पीढ़ी के संघर्ष अउ रिश्ता मन के भावनात्मक कहानी ला मनोरंजन के रूप म पेश करे गे हे।
- प्रणव झा के निर्देशन म बनाय गे ये फिल्म छत्तीसगढ़ी सिनेमा के स्तर ला नवा ऊंचाई देही – ए बात के झलक ट्रेलर म साफ दिखत हे।
- फिल्म “एम.ए. प्रीवियस” ला 7 नवम्बर 2025 म देखव, अपन नजदीकी सिनेमा घर म।
छत्तीसगढ़ी सिनेमा के नवा अध्याय “एम.ए. प्रीवियस” ले शुरू होय वाला हे – जेमा कथा, कला अउ संगीत तीनों के मेल हे।
“एम.ए. प्रीवियस” के आधिकारिक ट्रेलर आप इहां देखव-
MA PREVIOUS I OFFICIAL TRAILER | CG MOVIE 2025
- Film – M.A Previous – (एम ए प्रीवियस)
- Star Cast – Deepak Sahu, Raj Verma, Hiranmayee Das, Aaradhana Sahu, Rajesh Baghmare, Anjali Chauhan, Laxmi Jha, Sanju Sahu, Dharmendra Chaube, Sangita Nishad, Raju Kolhatkar, Samsir Siwani, Mohit Joshi, Omprakash Sharma, Manish Jha, Rajesh, Omkar Sahu, Sonu Yadu, Chandrapraksh Chaudhri, Shailendra, Ayub Jha, Hitesh Vasudev
- Production House : Aranya Cinema
- Producer : Raj Verma
- Director : Pranav Jha
- Story-Screenplay-Dialouge : Pranav Jha
- DOP : Raaj Thakur
- Focus : Aadi
- Associate Director : Tushar singh
- Assistant Director : Govinda Yadav, Prachi
- Assistant in story - Yuvraj Sahu
- Lyricist : Vishnu Kothari
- Music : Sunil Soni
- Singer : Sunil Soni, Anurag Sharma
- Choreographer : Chandan Deep
- Production Manager : Dhanraj Sahu
- Line Producer : Sonu Yadu
- Post Production : Neeraj Verma, Shreshth Studio
- Editor : Shreshth Verma
- Dress Man : Jeewan Nishad
- Makeup : Kanta Nayak
- Art – Chandu Verma
- Distributed By – RLR Cinema
- Youtuber : Soumya Ranjan Rana
- Language: Chhattisgarhi
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।