मोना सेन बनिस छ.ग. फिल्म विकास निगम के अध्यक्ष

मोना सेन जी ल छत्तीसगढ़ फिल्म विकास निगम के अध्यक्ष बनाये गे हावय। जानबा होवय के मोना सेन छत्तीसगढ़ के बहुत ही लोकप्रिय कलाकार जेन अपन कठिन परिश्रम ले देश म अपन नाम कमाइए, आज एक छोटे अंचल ले निकल के राजधानी म सक्रिय राजनीति अउ समाज सेवा म जबर बुता करत हाबे। मोना सेन ह शुरूच ले भारतीय जनता पार्टी ले जुरे रिहिन। ओमन के जब लोक मंच म रिहिसे तभे अभिनय, गायन, नृत्य के संग उद्घोसक के रूप म तको अपने ठउर बनाये रिहिस। सिनेमा ​म तको जबर नाम हावय। 

पूर्व म मोना सेन भाजपा शासनकाल म केशशिल्प कला बोर्ड के अध्यक्ष के रूप म काम करे हावय। फेर अब छत्तीसगढ़ फिल्म विकास निगम के अध्यक्ष बने के बाद उंकर जिम्मेदारी अउ बड़का होगे। देखना हावय के ओमन अब छत्तीसगढ़ी सिनेमा बर का का उदीम करथे। बहरहाल मोना सेन जी ल छत्तीसगढ़ी सिनेमा जगत के लोगन मन बधाई अउ शुभकामनाए पठोय हावय।