एक्सन, रोमांस अऊ सुमधुर गीत ले सजे छत्तीसगढ़ी फिलिम ‘एम.ए. प्रीवियस’

छत्तीसगढ़ी सिनेमा प्रेमी मन बर ये बनेच खुशी के बात आय! बहुचर्चित फिलिम ‘एम.ए. प्रीवियस’ (M.A. Previous) के ऑफिसियल ट्रेलर 26 अक्टूबर के बिहनिया 7 बजे Sundrani YouTube Channel म जारी होवइया हावय।

ये फिलिम ला “कुछ हटके, जोरदार एक्सन अऊ सुमधुर गीत मन ले भरपूर” बताय जात हे। पोस्टर रिलीज होए के बाद ले ही ये फिलिम सोशल मीडिया म खूब चर्चा म आय हाबे। अब दर्शक मन बेसबरी ले ट्रेलर के इंतजार करत हवंय।

फिलिम के निर्माता राज वर्मा हे अऊ लेखक-निर्देशक प्रणव झा हावय। ये जोड़ी पहिली घलो छत्तीसगढ़ी सिनेमा म अपन अलग पहचान बनाय हे। कॉलेज जिनगी के मजेदार किस्सा– बी.ए. फर्स्ट ईयर, बी.ए. सेकेंड ईयर अऊ बी.ए. फाइनल ईयर के बाद अब ये जोड़ी ले “एम.ए. प्रीवियस” एक नवा अऊ सबले बढ़िया मनोरंजक प्रोजेक्ट माने जात हे।

निर्माता मन के कहना हे– फिलिम म एक्सन, रोमांस, कॉमेडी अऊ भावना के अनोखा संगम देखे ला मिलही। कहानी गांव अऊ कॉलेज के जिनगी ऊपर आधारित हे, जिहां प्यार, पढ़ई अऊ जवान मन के मजेदार परिस्थिति मन ला दिखाय गे हावय।

फिलिम के गीत-संगीत घलो एक बड़ा आकर्षण आय। छत्तीसगढ़ी लोक लय अऊ आधुनिक धुन के मेल ले बने गीत मन सिनेमा ला नवा रंग देही।

मिले आरो के मुताबिक फिलिम 07 नवम्बर 2025 ले छत्तीसगढ़ के जम्मो नजदीकी सिनेमाघर म देखे बर मिलही। फिलिम के टीम ह दर्शक मन ले निवेदन करे हे के– अपन मया-दुलार अऊ आशीर्वाद ले ये फिलिम ला सफल बनावव, अऊ पोस्टर ला ज्यादा ले ज्यादा शेयर करव।

छत्तीसगढ़ी सिनेमा दिन-दूनी रात चौगुनी तरक्की करत हे, अऊ “एम.ए. प्रीवियस” ये दिशा म एक अउ बड़ा कदम साबित हो सकथे।

फिलिम के गीत लिखे हवंय–  विष्‍णु कोठारी, चंद्रकांत भारद्वाज, अऊ अशोक तिवारी अऊ ओकर सुमधुर संगीत सजाय हेंव सुनील सोनी। गीत गाये हावय– अनुराग शर्मा, कंचन जोशी, अऊ चंपा निषाद के मधुर आवाज म।

मुख्य भूमिका म नज़र आहीं– दीपक साहू, राज वर्मा, हिरनमयी दास, अऊ आराधना साहू, अऊ येकरे संग छॉलीवुड के कई नामचीन कलाकार अपन बढ़िया अभिनय के जलवा दिखाहीं। फिलिम से जुड़त रहव नवा-नवा अपडेट बर, हमन ला फॉलो करव अऊ अपन मया-दुलार बनाय रखव।