मंत्री लक्ष्मी राजवाड़े भटगांव छठ घाट म सूर्य देवता ला अर्पित करिन संझा के अर्घ्य

महिला अउ बाल विकास मंत्री श्रीमती लक्ष्मी राजवाड़े छठ पर्व के पावन अवसर म सूरजपुर जिला के भटगांव के शिव मंदिर अउ हनुमान मंदिर के पास बने छठ घाट म पहुँचिन। ओमन श्रद्धा अउ भक्ति भाव ले सूर्य देवता ला संझा के अर्घ्य अर्पित करिन। पारंपरिक विधि-विधान ले पूजा-अर्चना करत श्रीमती राजवाड़े प्रदेशवासी मन के सुख, शांति अउ समृद्धि बर मंगलकामना करिन।

घाट म पहुँचके मंत्री श्रीमती राजवाड़े व्रती महिला मन ले आत्मीय भेंट करिन, अउ ओमन ला नारियल, फल भेंट कर छठी मइया ले आशीर्वाद लिस। ओमन कहिन– “छठ पूजा भारतीय संस्कृति के अद्भुत अउ अनोखा पर्व आय, जिहां आस्था, पर्यावरण अउ परिवार के एकजुटता के भाव झलकथे।”

मंत्री श्रीमती राजवाड़े कहिन– “छत्तीसगढ़ के धरती अपन विविधता म एकता अउ लोक परंपरा के समृद्ध रूप बर जानी जाथे। इहाँ हर पर्व समाजिक एकता अउ नारी शक्ति के प्रतीक के रूप म मनाय जाथे। छठ पूजा म महिला मन के आस्था, तप अउ अनुशासन देखके समाज ला नवा प्रेरणा मिलथे। ए पर्व पर्यावरण संरक्षण अउ जीवन के संतुलन के घलो संदेश देथे।”

ए मउका म जनप्रतिनिधि, स्थानीय नागरिक, महिला समूह के सदस्य अउ भारी संख्या मं श्रद्धालु उपस्थिति रहिन। पूरा वातावरण “छठी मइया के जयकार” ले गूंज उठिस अउ भक्ति भाव मं सब्बो लोग मगन दिखिन।