किसान मन के सुख-समृद्धि बर सरकार संकल्पित : मंत्री लक्ष्मी राजवाड़े

महिला अउ बाल विकास मंत्री श्रीमती लक्ष्मी राजवाड़े ह सूरजपुर जिला के ग्राम लांजित, रैसरा अऊ सम्बलपुर (सेमरा) म रखे गे जलाशय जीर्णोद्धार काम के भूमिपूजन कार्यक्रम म माई पहुना के रूप म सामिल होके विकास काम के सुरुवात करिन।

लांजित म रखे गे मुख्य कार्यक्रम म मंत्री श्रीमती राजवाड़े कहिन कि प्रदेश सरकार किसान मन के खुशहाली बर अऊ सिंचाई के साधन बढ़ाय के काम म लगातार लगे हवय। जलाशय मन के मरम्मत अऊ जीर्णोद्धार ले किसान मन ला सालभर पानी मिल सकही, जऊन ले खेती-किसानी के उत्पादन मं नवा जोश अऊ गती आवय।

वो कहिन कि मुख्यमंत्री विष्णुदेव साय के नेतृत्व म प्रदेश सरकार गांव-देहात के हर कोना के विकास बर कृतसंकल्पित हवय। किसान मन के आमदनी बढ़ाय अऊ सिंचाई सुविधा बढ़ाय सरकार के पहिली प्राथमिकता आय।

सन 1986 म बने लांजित जलाशय करीबन 39 बछर पुराना हवय, जेकर ले किसान मन खरीफ फसला बर सिंचाई सुविधा पावत आवत हवंय। ए बांध के कुल लांबी 435 मीटर हवय अऊ जल भराव क्षमता 24.95 मिलियन क्यूबिक फीट आय। ए जलाशय ले दू ठन नहर निकथे- बाईं नहर 1650 मीटर अऊ दाईं नहर 3390 मीटर लांबी आय। जीर्णोद्धार के काम पूरा होगे के बाद ए जलाशय अपन रूपांकित सिंचाई क्षमता 240 हेक्टेयर तक पहुँची जाही, जऊन ले जादा किसान मन ला फायदा मिलही। सरकार इही जलाशय के जीर्णोद्धार अऊ मरम्मत बर 258.55 लाख रूपिया के स्वीकृति दे हवय।

कार्यक्रम मं गांव के जनप्रतिनिधि, पंचायत पदाधिकारी, जल संसाधन विभाग सहित अइसने कई विभाग के अधिकारी-कर्मचारी अऊ भारी संख्या मं ग्रामवासी मन सामिल रहिन। मंत्री श्रीमती राजवाड़े भैयाथान मं जीवनदीप समिति के बैठक मं घलो सामिल होइं अऊ स्वास्थ्य सेवा के गुणवत्ता सुधार बर चर्चा करिन।