भारत सरकार, भारतीय विशिष्ट पहचान प्राधिकरण (UIDAI) के जारी पत्र के पालन म, राज्य के सबो जिला म विद्यार्थी मन के अनिवार्य बायोमेट्रिक अपडेट (Mandatory Biometric Update MBU) खातिर विशेष अभियान चालू करे गे हवय। विद्यार्थी मन के आधार कार्ड अपडेट (MBU) के ये अभियान 31 अक्टूबर 2025 तक पूरा करे जाही।
ए अभियान स्कूल शिक्षा अउ साक्षरता विभाग, भारत सरकार के सहयोग ले UDISE+ एप्लिकेशन के माध्यम ले संचालित करे जावत हवय, जेकर तहत हर स्कूल ला विद्यार्थी मन के आधार कार्ड म लंबित बायोमेट्रिक अपडेट के जानकारी उपलब्ध कराए गे हवय। (UIDAI) के क्षेत्रीय कार्यालय मन के सहयोग ले स्कूल मन म विशेष शिविर आयोजित करे जावत हवंय, ताकि विद्यार्थी मन के लंबित बायोमेट्रिक अपडेट जल्दी से जल्दी पूरा हो सके।
बच्चा मन खातिर पहिली बायोमेट्रिक अपडेट म शुल्क म विशेष छूट
भारत सरकार के निर्देश अनुसार 7 ले 15 साल आयु वर्ग के बच्चा मन खातिर पहिली बायोमेट्रिक अपडेट (MBU) म कोनो शुल्क नई लगही। ये छूट 1 अक्टूबर 2025 ले अगले एक साल तक लागू रही।
12 अक्टूबर 2025 के आयोजित कलेक्टर कॉन्फ्रेंस म माननीय मुख्यमंत्री विष्णु देव साय डहर ले निर्देश दिये गे रहिन कि स्कूल म पढ़त विद्यार्थी मन के आधार कार्ड बनाके, उनकर APAAR ID तैयार करे के काम 31 अक्टूबर 2025 तक पूरा करे जाए। संग म, सबो जिला के CHiPS अधिकारी मन ला घलो अभियान म सक्रिय भाग लेय के निर्देश दिये गे हवय।
कलेक्टर मन ला बायोमेट्रिक अपडेट करावे के निर्देश
स्कूल शिक्षा सचिव सिद्धार्थ कोमल सिंह परदेसी ह सबो कलेक्टर मन ला पत्र जारी करके निर्देश दिये हवंय कि उहां अपन जिला म ये काम चरणबद्ध अउ व्यवस्थित योजना के तहत संचालित करें अउ तय समय म संपूर्ण लक्ष्य पूरा करे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।