बिहान योजना : मीना देवी गुप्ता लखपति दीदी बन अर्जित करत हवय एक लाख रुपये ले घलो जियादा आय

प्रधानमंत्री नरेन्द्र मोदी के नेतृत्व मं महिला के आर्थिक सशक्तिकरण खातिर शुरू करे गे लखपति दीदी पहल ग्रामीण महिला मन ला आत्मनिर्भर बने के मजबूत माध्यम बनाय के प्रयास हवय। राष्ट्रीय ग्रामीण आजीविका मिशन के तहत महिला मन ला आजीविका के गतिविधि संग जोड़के आत्मनिर्भर बनाना अऊ आय बढ़ाए के उद्देश्य कई महिला मन के जिनगी बदलिस हवय। एमा ले एक हवंय बलरामपुर-रामानुजगंज जिला के विकासखंड राजपुर के ग्राम अमडीपारा के श्रीमती मीना देवी गुप्ता।

महिला स्व-सहायता समूह ले बदलिस जीवन

श्रीमती मीना बिहान योजना संग जुड़के अन्य ग्रामीण महिला मन खातिर प्रेरणा बनिन। मीना, आरती स्व-सहायता समूह ले जुड़ी हवंय अऊ आजीविका के छोटे-छोटे काम करके अपन परिवार के आर्थिक स्थिति ला मजबूत कर रही हवंय। ओमन बताइन कि उनकर पति कृषि काम करथें। प्राप्त आमदनी ले परिवार के जरूरत अऊ बच्चा मन के पढ़ाई के खर्च पूरा करे मं कठिनाई होवत रहिस। ए कठिन परिस्थिति ले उबरइ खातिर मीना महिला स्व-सहायता समूह के सहारा लीस अऊ अपन जिनगी ला बदलइ के ठानीस। मीना गुजरे दिन ला याद करत कहिथें कि परिवार के जरूरत पूरा करे बर महीना लग जाथे पैसा इकट्ठा करे मं, तब जाकर छोटे-छोटे जरूरत पूरा होत रहिन।

मीना के परिवार मं आई खुशहाली

समूह संग जुड़े के बाद मीना सीआईएफ के राशि के उपयोग करके अलग-अलग आजीविका गतिविधि सुरु करीस। ओमन मिल अऊ किराना दुकान संचालन सुरु करिन। मीना अपन मेहनत अऊ लगन ले अलग-अलग स्रोत ले एक लाख रुपये ले जियादा सालाना आय कमा रहे हवंय। मीना ला कृषि काम ले 70 हजार, किराना दुकान ले 40 हजार अऊ एफएलसीआरपी ले 50 हजार रुपया तक आमदनी मिलत हवय। आज ये सब आय स्रोत ले उनकर आर्थिक स्थिति पहिली ले कहीं बेहतर हो गे हवय। अब उनकर परिवार मं खुशहाली आ गे हवय अऊ परिवार के जीवन स्तर पहिली ले जियादा बेहतर हो गे हवय।

बिहान योजना ले महिला मन बने आत्मनिर्भर

मीना देवी के सफलता ये साबित करथे कि जब महिला मन ला शासन के नीति अऊ पहल ले अवसर अऊ संसाधन मिलथे, तब ओमन अपन जीवन ला आत्मनिर्भरता अऊ सफलता के ओर ले जाके सकथे। मीना कहिथें कि बिहान योजना ले मोला अऊ मोर जइसन कई महिला मन ला आत्मनिर्भर बने के अवसर मिलिस हवय। अब मैं अपन परिवार के जरूरत पूरा करे मं सक्षम हवं। ओमन महिला मन के जीवन ला आर्थिक रूप ले सशक्त बनाय के दिशा मं करे गे पहल खातिर प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय के आभार व्यक्त करिन।

अंजोर:छत्‍तीसगढ़ी समाचार

अनुवादक-जयंत साहू