छत्तीसगढ व्यावसायिक परीक्षा मंडल रायपुर डहर ले छात्रावास अधीक्षक श्रेणी “द” के चयन बर 15 सितम्बर 2024 ल आयोजित परीक्षा के परिणाम घोसित करे के बाद आवेदन करइया के वरीयता के क्रम म दस्तावेज सत्यापन के खातिर आवेदन करइया के सूची विभाग के वेबसाइट https://tribal.cg.gov.in/ में अपलोड करके दीस गे हावय।
संबंधित आवेदन करइया शैक्षणिक अउ आन जरूरी अभिलेख 26 सितम्बर, 29 सितम्बर अउ 30 सितम्बर 2025 ल बिहनिया 10 बजे ले संझा 6.30 बजे तक कार्यालय आयुक्त, आदिम जाति अउ अनुसूचित जाति विकास, इन्द्रावती भवन नवा रायपुर अटल नगर, सामान्य स्थापना शाखा-5 म स्वयं मौजूद होही।
व्यापम डहर ले आयोजित परीक्षा के प्रवेश पत्र, व्यापम डहर ले जारी परीक्षा परिणाम के प्रति, हाई स्कूल अउ हायर सेकेण्डरी स्कूल सर्टिफिकेट परीक्षा के अंकसूची, मूल निवास प्रमाण-पत्र, सक्षम प्राधिकारी डहर ले जारी स्थाई जाति प्रमाण-पत्र, आरक्षित वर्ग, आन पिछड़ा वर्ग के शपथ-पत्र, आन पिछड़ा वर्ग के आवेदन करइया के आय-प्रमाण पत्र, भूतपूर्व सैनिक के सेवा प्रमाण-पत्र के प्रमाणीकरण के संबंध म शपथ पत्र, पासपोर्ट साइज के छायाचित्र (हाल के खीचे) सहित सबो आवेदन करइया मूल दस्तावेज के 02 छायाप्रति स्व-प्रमाणित संग लेके मौजूद होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।