किसान कल्याण अऊ आदिम जाति विकास मंत्री रामविचार नेताम ह दिल्ली प्रवास दौरान दिल्ली म केंद्रीय शिक्षा मंत्री धमेंद्र प्रधान के निवास–कार्यालय म सौजन्य भेंट करे बर गेय रहिन।
भेंट दौरान मंत्री नेताम, केंद्रीय शिक्षा मंत्री ल बताइन के जिला बलरामपुर–रामानुजगंज जनजातीय बाहुल्य इलाका हवय, जिहां शिक्षा के दृष्टि ले केंद्रीय विद्यालय खोलवाय बर क्षेत्रवासी अऊ स्थानीय जनप्रतिनिधी मन कई बछर ले मांग करत आवथें।
मंत्री नेताम, क्षेत्र के छात्र–छात्रा के भलाई ला ध्यान म रखके रामानुजगंज म केंद्रीय विद्यालय के स्वीकृति बर आधिकारिक प्रस्ताव रखिन। इस पर केंद्रीय मंत्री प्रधान, रामानुजगंज म जल्दी केंद्रीय विद्यालय खोले बर आश्वासन देइन।
मुलाकात म मंत्री नेताम, छत्तीसगढ़ म मुख्यमंत्री विष्णु देव साय के नेतृत्व म शिक्षा के क्षेत्र म होवत विकास कारज के बारे म जानकारी देविन। एकलव्य आदर्श आवासीय विद्यालय योजना के तहत प्रदेश म चलत स्कूल मन के कामकाज अऊ सफलता के बारे म भी विस्तार ले बताइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।