सुधाराज फिल्म्स के बैनर म बने अनुपम वर्मा के निर्देशन म तियार छत्तीसगढ़ी फिलिम 'मोही डारे 2' ए शुक्रवार, 22 अगस्त ले छत्तीसगढ़ के सिनेमाघर म रिलीज होवत हे। ए फिलिम म करण खान अउ शालिनी विश्वकर्मा के जोड़ी मुख्य भुमिका म दिखही, संग म संजय महानंद, नितेश कॉमेडियन अउ अलकरहा टुरा झरनेश के तिकड़ी ह हँसी मजाक ले मन बहलाही।
ए फिलिम के गाना मन के रिकार्डिंग मिलन स्टूडियो, कटक म होए हे, जेन ला संगीतकार अउ गीतकार सुनील सोनी के निर्देशन म बनाय गे हे। फिलिम के गाना मन यूट्यूब म बहुत पसंद करे जावत हे।
निर्देशक अनुपम वर्मा कहिन के ए फिलिम एक ठन यू/ए सर्टिफिकेट वाले पारिवारिक फिलिम आय, जेमे करण खान, शालिनी विश्वकर्मा, नितेश कॉमेडियन, संजय महानंद, अलकरहा टुरा झरनेश, क्रांति दीक्षित, धर्मेंद्र चौबे, जीत शर्मा, योगेश अग्रवाल, दिलीप वर्मा, आकांक्षा बंजारे अउ श्रुति पांडेय के जबरदस्त अभिनय देखे ला मिलही।
'मोही डारे' के पहिली भाग 2013 म आय रहिस, जेन ला दर्शक मन खूब सराहे रहिन। एक दसक बाद अब 'मोही डारे 2' ले दर्शक मन फेर एक बेर मजा ले सकहीं।
फिलिम के गाना सुभय सिंह चौहान, नगारची, सुनील सोनी अउ दास मनोहर के लिखाय हे, जेला यूट्यूब म झन भारी पसंद करे जात हे।
फिलिम के ट्रेलर, टीजर ला लाखों लोगन मन सोशल मीडिया म देख चुके हें। फिलिम के गाना ऊपर रोज हजारों रील अउ शॉर्ट वीडियो बनत हें, खासकर के होली गाना ला यूट्यूब म सबले ज्यादा पसंद करे जात हे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।