छत्तीसगढ़ी सिनेमा म एक नवा रहस्यमयी अध्याय: 'मासूम'

छत्तीसगढ़ी सिनेमा अब न सिरिफ गीत-संगीत अउ लव स्टोरी बल्कि अब येकर ले आगू बढ़ के, गंभीर अउ रहस्यमयी कहिनी म अपन ठउर बनावत हाबे। इही कड़ी म निर्देशक गंगा सागर पंडा के आगू आवत फिलिम "मासूम" के पहिली पोस्टर जारी होए हे।

👧 पोस्टर म दिखत हे एक बिटिया... म रहस्य घलो

पोस्टर म एक नान्हे नोनी के फोटू हवय, जेकर चेहरा म डर के संग-संग जिद्द घलो दिखत हाबे। ओकर चारों कोती दीवार म कई लोगन के फोटू जुड़े हे, जेमा लाल धागा ले सबो एक-दूसर ले जुड़ाय हवंय। कऊनो-कऊनो फोटू म लाल ‘X’ घलो लगाय गे हे, जेकर ले लागत हे के ये फिलिम म कऊनो गजब के साजिश, अपराध या रहस्य छुपे हवय।

🎬  ‘मासूम’ - नाम तो सीधा, पर बात गहिरा हे

‘मासूम’ कहे जइसन सरल अउ सिधवा नाव हावय, फेर पोस्टर म दिखत माहौल घलो ओतके डरा देहे वाला हवय। सवाल ए उठत हे के, ए बिटिया होन आए? पीड़ित? गवाह? या कहिनी के मुख्य किरदार?

🎥 टीम के जानकारी:

• प्रोडक्शन:- आकृति फिल्म हाउस प्रोडक्शन
• लेखक अउ निर्देशक:- गंगा सागर पंडा
• निर्माता:- दीपक जायसवाल
• सह-निर्माता:- धीरेज पटेल
• क्रिएटिव डायरेक्टर:- आदित्य कश्यप
• डीओपी:- अनुराग निर्मलकर
• संगीत:- विवेक शर्मा

🔍 थ्रिलर कहिनी के आरो

पोस्टर म जइसन लाल धागा, फोटू, अउ बिटिया के चेहरा म झलकत डर - ए सब ले ये बात समझ म आथे के ये फिलिम एक दमदार क्राइम-थ्रिलर हो सकथे। छत्तीसगढ़ी सिनेमा म ए किसम के प्रयोग कम दिखे गे हें, जऊन एला अउ खास बनाथे।

सोशल मीडिया म जारी पोस्टर ले लोगन मन काफी उत्साहित हावय सिनेमा ल देखे खातिर, काबर के ये अब तक के सबले अलग सिनेमा साबित होवइया हाबे। ये पोस्टर सोशल मीडिया के फेसबूक छॉलीवुड के प्रसिद्ध कलाकार पुष्पेन्द्र सिंह जारी करत लिखे हावय के- “आज हमारी नई फिल्म मासूम का पहला पोस्टर रिलीज हुआ।” ए बात ले ये घलो अंदाजा लगथे के वो मन घलो ए प्रोजेक्ट ले जुड़ाय हवंय। ये फिलिम के आन कलाकार के बारे म जानकारी जाने बर जुरे राहव हमर संग। 

'मासूम' अपन पहिली झलक लेच दर्शक मन ला सोच म डुबा देथे। ए किसम के कहिनी छत्तीसगढ़ी सिनेमा म कम देखे गे हे। अगर फिलिम के कहिनी घलो एही स्तर के मजबूत रहिस, त ए सिनेमा म एक नवा मुकाम तय कर सकथे।