मया देदे मयारू 2 के शूटिंग के आरो सोशल मीडिया ले मिलत हाबे, कलाकार मन लाटक कैमरा अउ एक्शन म अपन अभिनय के जलवा देखवत हाबे। वैसे भी दर्शक मन मया देदे मयारू 2 नाम ले गम पागे हावय के ये प्रेम चंद्राकर अउ भूपेन्द्र साहू के फिलिम आए।
जानबा होवय के 'मया देदे मयारू' 10 साल पहिली रिलीज होए रिहिज, दर्शक मन फिल्म के संग गीत संगीत ल गजब मन करे रिहिस, खास कर गाना मनके मधुर स्वर आज भी लोकांचल म गुंजत हावय। ओ पइत मया देदे मयारू म अनुज शर्मा, रश्मि ठक्कर, शशि मोहन सिंह, पुष्पेन्द्र सिंह, योगेश अग्रवाल, संजय बत्रा जइसे बड़का कलाकार मन अहम भूमिका निभाये रिहिस।
अब मिले आरा के मुताबिक 'मया देदे मयारू 2' म मन कुरैशी संग इशिका यादव, अउ लक्षित झांझी संग दीक्षा जायसवाल के जोड़ी देखे बर मिलही।
फिल्म प्रोडक्शन टीम:
- फिल्म: मया देदे मयारू 2
- निर्माता: अलेक राय
- लेखक/निर्देशक: प्रेम चंद्राकर अउ भूपेन्द्र साहू
- प्रस्तुति: अमन मूवीज मार्क
⭐ प्रमुख कलाकार:
- मन कुरैशी (Mann)
- इशिका यादव (Ishika)
- लक्षित झांझी (Lakshit)
- दीक्षा जायसवाल (Diksha)
📸 शूटिंग जानकारी:
फिल्म 'मया दे दे मयारू 2' के शूटिंग अभी छत्तीसगढ़ के खूबसरत लोकेशन म चलत हवय। जइसे के एकर पहिली 'मया दे दे मयारू' ला सबझन खूब पसंद करे रहिन। अब ये दूसर पार्ट मं फेर ले छत्तीसगढ़ के लोक संस्कृति, मया-पिरीत अउ माटी के गंध देखे बर मिलही अइसे आकब हावय।
 |
| छत्तीसगढ़ी फिल्म अभिनेता मन कुरैशी |
 |
| छत्तीसगढ़ी फिल्म अभिनेता लझित झांझी |
 |
| छत्तीसगढ़ी फिल्म अभिनेत्री इशिका यादव |
 |
| छत्तीसगढ़ी फिल्म अभिनेत्री दीक्षा जायसवाल |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।