छत्तीसगढ़ी फिलिम *एम.ए. प्रीवियस* के पहिली गाना "लाली लुगरा" होही रिलीज

छत्तीसगढ़ी सिनेमा ले मया करइया मन खातिर बने खबर आय। अब अगोरा के दिन पूरगे, 'राज वर्मा प्रस्तुत अऊ प्रणव झा कृत फिलिम "एम.ए. प्रीवियस" के पहिली रोमांटिक गाना "लाली लुगरा" अब दर्शक मन बर तियार होगे हावय। मिले आरो के मुताबिक ये गाना 1 सितंबर के बिहनिया 7 बजे सुंदरानी यूट्यूब चैनल मं रिलीज होही।

🎵 गाना के बिसेसता

• गाना: लाली लुगरा
• गायक: सुनील सोनी अउ कंचन जोशी
• संगीत: सुनील सोनी
• गीत: सुनील सोनी अउ चंद्रप्रकाश भारद्वाज

प्रमुख कलाकार:-

ए गाना मं दीपक साहू, राज वर्मा, हिरनमय दास अऊ आराधना साहू के रोमांटिक जोड़ी देखे ला मिलही।

🎥 फिलिम के विशेषता:

प्रणव झा ह पहिली घलो बीए फस्ट ईयर, बीए सेकंड ईयर, बीए फाइनल ईयर, बेनाम बादशाह अऊ टीना टप्पर जइसने सुपरहिट फिलिम बनााये हावय। अब ओखर नवा फिलिम "एम.ए. प्रीवियस" खासकर कॉलेज लाइफ अऊ युवा पीढ़ी बर बनाय गे हावय। जइसे के हर बखत ओमन  नवा कलाकार मन ला मौका देथे, ओही ओढ़र म यहू पइज फिलिम नवा नायिका के संग पर्दा म आगाज करही।