 |
| new chhattisgarh film RJ Bastar |
बेरा के संग अब छत्तीसगढ़ सिनेमा म तको अपन नवा अध्याय लिख हावय। इहां हर किसम के सिनेमा बने के शुरू होगे। इही ओढ़र म निर्देशक मनीष मानिकपुरी अउ निर्माता पवन कुमार सिंह के नवा फिल्म ‘आर जे बस्तर (RJ Bastar)’ के मुहूर्त होईस, जऊन अभीच ले दर्शक मन मं उत्सुकता जगा दे हावय।
फिल्म के कथानक के आरो आप मन ला आगू देबे, बहरहाल आर जे बस्तर के शूटिंग बस्तर अउ रायपुर म होही, जिहां के असली माटी अउ संस्कृति ला परदा मं देखाय जाही।
कलाकार मन के जोरदार टोली
‘आर जे बस्तर’ मं राष्ट्रीय अउ स्थानीय कलाकार मन के संगम देखे बर मिलही –
- 'पंचायत' वेबसीरीज ले पहिचान बनाय चुके 'चंदन राय' लीड रोल मं हवंय।
- 'चक दे इंडिया' फेम 'चित्रांशी रावत' प्रमुख भूमिका मं नजर आही।
- अनुभवी कलाकार हर्ष हर्ष, धमतरी के प्रतिभाशाली नेहा साहू, संग म छत्तीसगढ़ी सिनेमा के जाने मान कलाकार पुष्पेन्द्र सिंह, घनश्याम महानंद अउ संगीता निषाद घलो फिल्म मं दमदार किरदार निभाहीं।
 |
| new chhattisgarh film RJ Bastar |
गीत-संगीत म छत्तीसगढ़ के माटी के सुगंध
फिल्म मं हिंदी अउ छत्तीसगढ़ी दूनों म गीत हावय। ए छत्तीसगढ़ी गीत ला लिखे हावय छत्तीसगढ़ के बड़े पत्रकार देवेश तिवारी अमोरा ह।
 |
| new chhattisgarh film RJ Bastar |
नवा सुरुवात, बड़ उम्मीद
गणेश चतुर्थी जइसने शुभ दिन मं फिल्म के मुहूर्त होय हावय। टीम ल उम्मीद हाबे के ‘आर जे बस्तर’ सिरिफ छत्तीसगढ़ मं नइ, बल्कि पूरा देश मं अपन जगह बनाही।
 |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।