राजधानी रायपुर म टी. संवर्ग प्राचार्य मन के चलत काउंसिलिंग म पहिली अउ आन दिन ल मिलाके अब तक 556 टी. संवर्ग प्राचार्य के पदस्थापना प्रक्रिया पूरा हो चुके हावय। काउंसिलिंग म सामिल आवेदन करइया ल उंकर डहर ले चयनित संस्था मन म पदस्थापना बर सहमति पाती जारी करे गे हावय। नियुक्ति संबंधी आखरी आदेश शासन डहर ले अवइया दिन म जारी करे जाही। ये काउंसिलिंग 23 अगस्त तक चलही।
टी. संवर्ग के व्याख्याता, व्याख्याता-एल.बी. अउ प्रधानपाठक पहिली माध्यमिक स्कूल के काउंसिलिंग वरिष्ठता सूची-
स्कूल शिक्षा विभाग के अधिकारी मन बताइन के काउंसिलिंग प्रक्रिया म टी. संवर्ग के व्याख्याता, व्याख्याता-एल.बी. अउ प्रधानपाठक पहिली माध्यमिक स्कूल के काउंसिलिंग वरिष्ठता सूची के आधार म नियम के मुताबिक करे जात हावय। 20 अउ 21 अगस्त 2025 ल कुल 571 आवेदन करइया ल बलाये गे रिहिस, जेमे ले 556 मौजूद होइस जबकि 15 अनुपस्थित रिहिन। ए रकम ले अब तक 97.37 परतिसत आवेदन करइया के उपस्थिति दर्ज करे गिस। काउंसिलिंग म अनुपस्थित रेहे वाला आवेदन करइया ल आखरी दिन 23 अगस्त ल मउका दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।