भारत सरकार अउ छत्तीसगढ़ शासन डहर ले स्थापित “अटल डिजिटल सुविधा केन्द्र” ग्रामीण अंचल के खातिर आशा के नया आधार बनत हावयं। कोरबा जिला के गांव बेला म सुरू होइस ये केन्द्र गांव वाला ल शहर जाये के परेशानी ले मुक्त कर, समय, धन अउ श्रम के बचत करात हावय। ए केन्द्र के माध्यम ले बैंकिंग सेवा, दस्तावेज़ सत्यापन, पेंशन वितरण, सरकारी योजना मन के लाभ, कारड बनाये सहित सबो बुता गांव म ही होत हावयं। महिला, बुजुर्ग अउ युवा वर्ग ये सेवा के सहज रूप ले उपयोग करत हावयं।
आयुष्मान भारत कार्ड Ayushman Bharat Card
ग्राम बेला निवासी धनीराम कंवर बतावत हावयं के केन्द्र खुले ले अब पइसा निकाले या सरकारी योजना मन के फायदा ले के खातिर बालको या आन शहर नइ जाना पड़त हावय। ओमन इही केन्द्र ले आयुष्मान भारत कारड तको बनवाये हावय, जेकर ले अब बड़े अस्पताल म फोकट म इलाज संभव होही। उंकर पत्नी, जेन महतारी वंदन योजना के हितग्राही हावयं, कहत हावयं के अब योजना के रकम सोज केन्द्र ले मिलत जात हावय। येकर ले समय अउ पइसा के बचत होवत हावय अउ घर-परिवार के देखभाल तको आसानी ले हो जात हावय।
अटल डिजिटल सुविधा केंद्र Atal Digital Facilitation Centre
अटल डिजिटल सुविधा केन्द्र के उद्देश्य गांव वाला ल शहर के बजाय गांव म ही सबो जरूरी सेवा मौजूद करात हावय। ये केन्द्र स्थानीय युवा मन ल रोजगार तको देत हावय। प्रशिक्षित ऑपरेटर के माध्यम ले सबो बुता लघियात अउ पारदर्शी ढंग ले करे जात हावयं। कोरबा जिला के ये केन्द्र ले पेंशनधारी मन ल समय म पेंशन मिलत हावय, किसान मन ल प्रधानमंत्री किसान सम्मान निधि के रकम सोज खाता म मिलत हावय अउ निकासी के बुता गांव ले ही होवत हाबे।
महतारी वंदन योजना Mahtari Vandan Scheme
महिला मन ल महतारी वंदन योजना के रकम समय म मिलत हावय। संग ही गांव वाला के आयुष्मान भारत कार्ड, पैन कारड अउ आन दस्तावेज़ तको इहें बनत हावयं। गांव बेला सहित आसपास के गांव म अटल डिजिटल सुविधा केन्द्र ह लोगन के जिनगी सरल बना दे हावय। ये केन्द्र गांव वाला ल तकनीकी रूप ले सशक्त करत आत्मनिर्भरता के तनि अग्रसर करत हावय।
- Atal Digital Facilitation Centre
- Atal Digital Suvidha Kendra
- Digital services in rural India
- Gram Panchayat digital centre
- e-Governance rural India
- Rural digital inclusion
- Chhattisgarh digital initiative
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।