मुख्यमंत्री विष्णु देव साय के अगुवई म छत्तीसगढ़ सरकार डहर ले गुणवत्तापूर्ण शिक्षा अउ पढ़इया लइका के सर्वांगीण विकास ल सर्वोच्च प्राथमिकता दे जात हावय। इही क्रम म बिलासपुर शहर ल एक आधुनिक एजुकेशनल हब के रूप म विकसित करे के दिशा म ऐतिहासिक पहल करे जात हावय। मुख्यमंत्री विष्णु देव साय के दिशानिर्देश म बिलासपुर म एजुकेशनल सिटी के अवधारणा विकसित करे गे हावय। ए परियोजना के खातिर बिलासपुर नगर पालिक निगम के लगभग 13 एकड़ भूमि के उपयोग प्रस्तावित हावय।
मुख्यमंत्री विष्णु देव साय ह किहिन के बिलासपुर एजुकेशनल सिटी म नालंदा परिसर के स्थापना करे जाही, जिहां 500 पढ़इया लइका एक संग बइठकर फिजिकल अउ डिजिटल लाइब्रेरी के फायदा ले सकही। येकर संग ही तीन बहुमंजिला इमारतों के बनाये जाही, जेमे कुल 48 हॉल सेटअप (1 सेटअप म 1 हॉल, 2 कक्ष अउ 1 टॉयलेट) तइयार करे जाही। ए बेवस्था म एक संग 4,800 पढ़ईया मन के कोचिंग क्लास अटेंड करे के सुविधा रइही।
पढ़इया लइका के शैक्षणिक अउ व्यक्तित्व विकास के खातिर 700 सीट वाला आधुनिक ऑडिटोरियम बनाये जाही। वहीं, बाहिर ले आने वाला लगभग 1000 पढ़ईया मन के खातिर हॉस्टल फैसिलिटी तको बने करे जाही।
खेलकूद अउ स्वास्थ्य ल बढ़ावा दे के खातिर एजुकेशनल सिटी म एस्ट्रोटर्फ खेल मैदान अउ सुंदर गार्डन तको विकसित करे जाही। संग ही, गाड़ी के खातिर मल्टी लेवल पार्किंग के बेवस्था होही ताकि अवइया-जवइया म कोनो असुविधा न हो।
मुख्यमंत्री साय ह किहिन के ए महत्वाकांक्षी परियोजना के अंताजन लागत करीब 100 करोड़ रूपिया होही अउ येकर बनाये बुता के बुता योजना नगर पालिक निगम बिलासपुर डहर ले तइयार कर ले गे हावय। लघियात ही बनाये के बुता सुरू होही, जेकर ले बिलासपुर एजुकेशनल सिटी प्रदेस म शिक्षा के क्षेत्र म नवा मिसाल कायम करही।
जानबा होवय के राज्य गठन के पाछु बिलासपुर शहर ह शिक्षा के क्षेत्र म उल्लेखनीय प्रगति के हावय। बिलासपुर म एसईसीएल के मुख्यालय अउ रेलवे के डीआरएम कार्यालय तको स्थित हावय, जेकर ले ये शहर न सिरिफ छत्तीसगढ़ बल्कि पूरा देश म अपन खास पहचान बनात हावय। इहां एक केंद्रीय विश्वविद्यालय, दू विश्वविद्यालय, आठ महाविद्यालय, लोक सेवा आयोग, व्यापम अउ आईआईटी जइसे प्रतिष्ठित परीक्षा के तइयारी करवाये वाला करीब 100 ले जादा कोचिंग संस्थान संचालित होत हावयं, जेमे प्रदेस के 50,000 ले जादा पढ़इया लइका पढ़त हावयं।
छत्तीसगढ़ सरकार शिक्षा ल अपन सर्वोच्च प्राथमिकताओं म ठऊर देत हावय। हमर ये अटल प्रतिबद्धता हावय के प्रदेस के सबोच पढ़ईया ल आधुनिक संसाधन, उन्नत अधोसंरचना अउ प्रेरक वातावरण म अपन क्षमता ल संवार सके अउ आत्मविश्वास के संग अपन सपना ल साकार कर सके।
बिलासपुर एजुकेशन सिटी के बनाये इही दिशा म एक ऐतिहासिक पहल हावय। ये न सिरिफ बिलासपुर ल छत्तीसगढ़ के एजुकेशनल हब बनाही, बल्कि प्रदेस के हजारों युवा मन ल उच्चस्तरीय सुविधा म अध्ययन अउ प्रतियोगी परीक्षा के तइयारी के मउका दिही।
नालंदा परिसर, बहुमंजिला कोचिंग भवन, डिजिटल अउ फिजिकल लाइब्रेरी, हॉस्टल, ऑडिटोरियम, खेल मैदान अउ ग्रीन जोन – ये सबो सुविधा पढ़ईया मन के सर्वांगीण विकास ल समर्पित होही।
मुझे विश्वास हावय के ये परियोजना आने वाला साल म छत्तीसगढ़ के शैक्षणिक परिदृश्य ल नवा ऊंचई तक पहुंचही अउ हमर युवा मन ल उज्ज्वल भविष्य के तनि अग्रसर करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।