रासायनिक खाद के कालाबाजारी बर्दास्त नहीं, समिति मन म खातु के हो पर्याप्त भण्डारण: मंत्री केदार कश्यप

सहकारिता मंत्री केदार कश्यप ह किहिन के अंतर्राष्ट्रीय बाजार म डीएपी खातु के कमी ल देखत प्रदेस म डीएपी खातु के पर्याप्त सप्लाई नइ हो पात हावय त डीएपी के वैकल्पिक खाद के प्रति किसान मन ल जागरूक करें अउ जेन वैकल्पिक खातु मौजूद हावय किसान मन ल दे जाए। ओमन बइठक म किहिन के किसान मन ल सहुलिय देना हमर सरकार के पहिली प्राथमिकता हावय। मंत्री केदार कश्यप नवा रायपुर स्थित निवास कार्यालय म सहकारिता अउ खातु कंपनी के अधिकारी मनके बइठक म किसान मन ल खातु के उपलब्धता सुनिश्चित बनाए रखे के संबंध म समीक्षा करत रिहिन। 

सहकारिता मंत्री कश्यप ह किहिन के रासायनिक खातु के कालाबाजारी बर्दास्त नइ करे जाही। अइसे गतिविधी म संलिप्त पाए जाये वाला अधिकारी मन-कर्मचारी अउ केन्द्र संचालक के ऊपर कड़ी कार्यवाही करे जाए। ओमन सहकारिता विभाग के अधिकारी मनले किहिन के प्रदेस म 2058 सहकारी समिति मन म पर्याप्त अकन म रासायनिक खातु के भण्डारण हो अउ किसान मन के मांग के मुताबिक खातु मिले ये सुनिश्चित करे जाए। ओमन नैनो यूरिया, नैनी डीएपी के छिड़काव के प्रति तको किसान मन ल जागरूक करे के निर्देश अधिकारी मनला दिस। 

बइठक म सहकारिता विभाग के अधिकारी मन बताइन के डीएपी खातु के आपूर्ति के संबंध म कंपनी के प्रतिनिधि मन ले समन्वय करत खातु सप्लाई के खातिर विभागीय स्तर म सरलग प्रयास करे जात हावयं। आने वाला समय म डीएपी खातु सप्लाई के संभावना हावय। अधिकारी मनने बताइन के खरीफ विपणन साल 2025 के खातिर किसान मन के मांग के मुताबिक विभाग 10.73 लाख मीट्रिक टन रासायनिक खातु के लक्ष्य करार करे हावय। लक्ष्य के विरूद्ध 5.85 लाख मीट्रिक टन के भण्डारण करे जा चुके हावय अउ किसान मन ल 4.37 लाख मीट्रिक टन खातु बांटे  जा चुके हावयं। अभी के बेरा म समिति मन म 1.18 लाख मीट्रिक टन खातु मौजूद हावय। 

 अधिकारी मन बताइन के डीएपी के लक्ष्य 78 हजार 331 मीट्रिक टन हावय। येकर विरूद्ध अब तक 75 हजार 428 मीट्रिक टन डीएपी के भण्डारण करे जाके किसान मन ल 61 हजार 137 मीट्रिक टन खातु बाटे जा चुके हावय। समिति मन म 14 हजार 291 मीट्रिक टन डीएपी खातु बांचे हावय। डीएपी खातु के कमी के सेती एनपीके के लक्ष्य बढ़के 3 लाख 16 हजार मीट्रिक टन हो गे हावय। लक्ष्य के विरूद्ध 93 हजार 467 मीट्रिक टन एनपीके के भण्डारण करे जाके किसान मन ल 74 हजार 545 मीट्रिक टन एनपीके खातु के बाटे जा चुके हावय। समिति मन म 18 हजार 922 मीट्रिक टन एनपीके बांचे हावय। जादा ले जादा एनपीके के सप्लाई के खातिर कंपनी के संग सरलग समन्वय करे जात हावय। 

बइठक म अधिकारी मनने बताइन के खरीफ सीजन 2025 के खातिर मांग के मुताबिक यूरिया के लक्ष्य 4.54 लाख मीट्रिक टन हावय। लक्ष्य के विरूद्ध 2.88 लाख मीट्रिक टन के भण्डारण करके 1.91 लाख मीट्रिक टन यूरिया के बाटे चुके हावय, इही रकम ले एमओपी के लक्ष्य 46 हजार 360 मीट्रिक टन हावय। लक्ष्य के विरूद्ध 55 हजार 611 मीट्रिक टन एमओपी के भण्डारण करके किसान मन ल 29 हजार 851 मीट्रिक टन एमओपी के बाटे जा चुके हावय। इही रकम ले एसएसपी (समस्त) के लक्ष्य 1.76 लाख मीट्रिक टन करार हावय। लक्ष्य के विरूद्ध 1.28 लाख मीट्रिक भण्डारण करके किसान मन ल 65 हजार 878 मीट्रिक टन एसएसपी के बाटे जा चुके हावयं। 

बइठक म अपेक्स बैंक के चेयरमेन केदारनाथ गुप्ता सहित रासायनिक खातु कंपनी के प्रतिनिधि मन ह तको अपन-अपन सुझाव दिस। ए मउका म आयुक्त सहकारिता अउ पंजीयक सहकारी संस्था मन कुलदीप शर्मा मार्कफेड के एमडी श्रीमती किरण कौशल, संचालक कृषि राहुल देव, अपेक्स बैंक के एमडी के.एन. काण्डे सहित विभाग के वरिष्ठ अधिकारी अउ खातु कंपनी के प्रतिनिधि मौजूद रिहिस।