अम्बिकापुर, आदिवासी विकास विभाग के सहायक आयुक्त ह बताइन के छत्तीसगढ़ राज्य स्तरीय आदिम जाति कल्याण आवासीय अउ आश्रम शैक्षणिक संस्थान समिति के डहर ले जारी पाती के मुताबिक शैक्षणिक सत्र 2025-26 म एकलव्य आदर्श आवासीय स्कूल मन म कक्षा 6वीं म प्रवेश बर जिला स्तर म काउंसलिंग बाद स्कूल आबंटित करके प्रवेश दे जाये के निर्देश दे गे हावयं। जेकर सेती स्कूल आबंटन बर पढ़ईया मन के काउंसलिंग 09 मई ले 14 मई 2025 तक, समय बिहनिया 10:00 बजे ले मंझन 05:00 बजे तक, संस्था-पोस्ट मैट्रिक बालक छात्रावास अम्बिकापुर (एम.जी.रोड, पी.जी. कॉलेज के पास) आयोजित हावय। काउंसलिंग म सामिल होए वाला पढ़ईया मन के सूची सरगुजा जिला के वेबसाईट surguja.gov.in म अवलोकन करे जा सकत हाबे। चयनित सबो पढ़ईया अउ उंकर पालक ल सबो दस्तावेज अउ जरूरी परमान पाती के संग काउंसलिंग म मौजूद होना होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।