डोमेन्द्र कुमार देवांगन के चयन युवा कार्यक्रम अउ खेल मंत्रालय भारत सरकार, भारतीय खेल प्राधिकरण, खेलो इंडिया के योगासन भारत डहर ले रेफरी (निर्णायक) के खातिर करे गिस
राज्य के युवा मन ल अपन प्रतिभा निखारे के पर्याप्त मउका मिलत हावय। राज्य के खिलाड़ी मन बर बिसेस खेल के खातिर राज्य म आने-आने प्रशिक्षण केंद्र के स्थापना के गे हावय। ये प्रशिक्षण केन्द्र म युवा खिलाड़ी मन के प्रतिभा ल निखारे के खातिर जरूरी संसाधन के संग प्रशिक्षक तको नियुक्त करे गे हावय।
इही ओढ़र म सातवें खेलो इंडिया यूथ गेम्स के तहत अवइया 11 ले 14 मई तक बिहार के गया म योगासन खेल प्रतियोगिता के आयोजन होही। ए प्रतियोगिता के खातिर छत्तीसगढ़ ले राजनांदगांव जिला के अंतर्राष्ट्रीय योगासन खिलाड़ी अउ राष्ट्रीय रेफरी (निर्णायक) डोमेन्द्र कुमार देवांगन के चयन होइस हावय। डोमेन्द्र के युवा कार्यक्रम अउ खेल मंत्रालय भारत सरकार, भारतीय खेल प्राधिकरण, खेलो इंडिया के योगासन भारत डहर ले रेफरी (निर्णायक) के खातिर चयन करे गे हावय। डोमेन्द्र जिला कार्यालय, कौशल विकास विभाग लाईवलीहुड कॉलेज राजनांदगांव म पदस्थ हावयं। येकर पढ़ाई शहर के स्थानीय कॉलेज शास. दिग्विजय कॉलेज ले होए हावयं।
राजनांदगांव के डोमेन्द्र कुमार देवांगन बहुत ही कम समय म देश भर म आयोजित राष्ट्रीय योगासन प्रतियोगिता म रेफरी (निर्णायक) के भूमिका निभा चुके हावय। रेफरी (निर्णायक) के रूप म देश भर म उंकर एक आने पहचान बन चुके हावय। देवांगन येकर ले पहिली तको हाल ही म संपन्न होइस 38 वीं राष्ट्रीय खेल प्रतियोगिता 2025 उत्तराखंड, छठवीं खेलो इंडिया यूथ गेम्स 2024 चेन्नई, पहिली ऑल इंडिया पुलिस गेम्स छत्तीसगढ़, सब-जूनियर अउ जूनियर नेशनल चौम्पियनशिप जलंधर, सीनियर नेशनल चौम्पियनशिप पंजाब सहित कई राष्ट्रीय अउ राज्य स्तरीय चौम्पियनशिप जइसे प्रतियोगिता म रेफरी (निर्णायक) के भूमिका निभा चुके हावय। इही के तहत सातवें खेलो इंडिया यूथ गेम 2025 गे बिहार म इंकर चयन करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।