जिला अस्पताल म फोकट म आई.वी.एफ.सुविधा के अनुशंसा: डॉ. वर्णिका शर्मा

रायपुर मेडिकल कॉलेज म अत्याधुनिक आई.वी.एफ. सेंटर के स्थापना बर रकम मंजूर सरकार कोति ले करे गे हावय। छत्तीसगढ़ राज्य बाल अधिकार संरक्षण आयोग के अध्यक्ष डॉ. वर्णिका शर्मा ह एला सरकार के संवेदनशील कदम बताइन हावय ओमन मुख्यमंत्री अउ स्वास्थ्य मंत्री श्याम बिहारी जायसवाल  ल सिफारिश पत्र लिखके मांग करे हावय के सबो जिला अस्पताल म फोकट म आई.वी.एफ. (इन विट्रो फर्टिलाइजेशन) केन्द्र के स्थापना करे जाए, जेकर ले आर्थिक रूप ले कमजोर निःसंतान दंपत्ति ल संतान सुख मिले।

डॉ. वर्णिका ह बताइन के अभी के बेरा म संतान प्राप्ति बर कोनो सरकारी चिकित्सा सुविधा या प्रतिपूर्ति योजना मौजूद नइ हावय। आई.वी.एफ. जइसे प्रक्रिया गजब माहंगी हावयं, जेकर लागत 1.5 लाख ले 5 लाख रूपिया तक होवत हावय, जेन निर्धन दंपत्ति के खातिर वहन करना असंभव हावय। डॉ. शर्मा ह किहिन के संतान प्राप्ति न सिरिफ दंपत्ति के अधिकार हावय, बल्कि ये एक लइका के जनम के अधिकार तको हावय।

ओमन सुझाव दे हावय के पहिली चरण म प्रदेस के सबो सरकारी मेडिकल कॉलेज म अउ दूसरइया चरण म जिला अस्पताल म आई.वी.एफ. सेंटर के स्थापना के जाए। ये सुविधा पूरा रकम ले फोकट म हो अउ येकर ले हजारों निर्धन दंपत्ति ल संतान के सुख मिल सकही।

डॉ. वर्णिका शर्मा अध्यक्ष छत्तीसगढ़ राज्य बाल अधिकार संरक्षण आयोग