धरती आबा जनजातीय ग्राम उत्कर्ष अभियान

आदिम जाति कल्याण विभाग के प्रमुख सचिव सोनमणि बोरा ह जशपुर जिला के कलेक्टोरेट सभाकक्ष मं विभाग के समीक्षा बइठक लेके, विशेष पिछड़ी जनजाति पहाड़ी कोरवा परिवार मन ला पीएम जनमन योजना के लाभ देय के निर्देश दीस। ओमन के पक्का मकान, मोबाइल मेडिकल यूनिट, आश्रम-छात्रावास के निर्माण, पानी, बिजली, स्वास्थ्य, शिक्षा, आजीविका संबंधी गतिविधि अऊ दूसर योजन मन के जानकारी लीस। ए बैठक म कलेक्टर रोहित व्यास, जिला पंचायत सीईओ अभिषेक कुमार, उप सचिव बी. के. राजपूत अऊ आदिवासी विकास विभाग के अधिकारी मन उपस्थित रहिन।

प्रमुख सचिव ह कहिन के पहाड़ी कोरवा बसाहट मं आंगनबाड़ी केन्द्र, मं कार्यकर्ता, सहायिका अऊ स्वास्थ्य सुविधा के व्यवस्था करे जाय अऊ जल जीवन मिशन के तहत हर बसाहट मं साफ-सुथरा पानी पहुँचाय जाय। उंकर कहना हवय के छात्रावास अऊ आश्रम के जेन निर्माण काम चलत हे, वोला जून महिना तक हर हालत मं पूरा करे जाय।

कलेक्टर रोहित व्यास बताइन के पहाड़ी कोरवा परिवार मन ला शासन के सबो योजना के लाभ मिलत हे अऊ ओमन के जरूरत मन के खास ध्यान रखे जात हे। जिला म जल जागरूकता अभियान चलावत जात हे, जेमा भविस के पीढ़ी बर पानी ला बचाए के काम होवत हे। हर सरकारी अऊ निजी भवन मं रैन हार्वेस्टिंग सिस्टम (पानी बचाव व्यवस्था) लगाय जात हे।

प्रमुख सचिव कहिन के पीएम जनमन योजना अऊ केंद्र सरकार के महत्वाकांक्षी योजना धरती आबा जनजाति ग्राम उत्कर्ष अभियान के तहत चिन्हित 417 ग्राम पंचायत म योजना के बढ़िया क्रियान्वयन करे जाय। योजना म 25 प्रकार के योजना के लाभ गांव अऊ दूर-दराज के इलाका तक पहुँचाय जाय।

सरकारी योेेेेेजना-

• प्रधानमंत्री ग्रामीण सड़क योजना,
• जल आपूर्ति,
• बिजली सुविधा,
• सौर सुजला योजना,
• स्वास्थ्य सुविधा मन ला दूर-दराज के अंचल तक पहुँचाय जाय।

उंकर द्वारा पहाड़ी कोरवा परिवार मन ला –

• आधार कार्ड,
• आयुष्मान कार्ड,
• किसान क्रेडिट कार्ड,
• जन-धन बैंक खाता,
• जाति प्रमाण पत्र,
• पीएम किसान सम्मान निधि,
• पीएम मातृत्व वंदन योजना,

श्री बोरा कहिन के जशपुर जिला प्राकृतिक सुंदरता ले भरपूर हे, अऊ एहाँ पर्यटन के हिसाब से होम स्टे (घरे रुकाय के सुविधा) के विकास करे जा सकत हे, अऊ एकर बर प्रयास होवत हे। उंकर द्वारा कोरवा परिवार मन ला आजीविका आधारित गतिविधि म जोड़े के बात कहे गिस, संग मं उद्यान विभाग अऊ कृषि विभाग के योजना के तहत सब्जी के बीज, मछली पालन, अऊ आधुनिक खेती पद्धति के लाभ देवाय के बात कहे गिस।