जनजातीय गौरव दिवस : भगवान बिरसा मुंडा जयंती के मउका म 14-15 नवम्बर 2024 के रायपुर म भव्य आयोजन

राज्य शासन डहर ले 15 नवंबर ले राज्य के राजधानी रायपुर सहित सबो जिला मुख्यालय म जनजाति गौरव दिवस आयोजित करे जात हावय। राजधानी रायपुर के साइंस कॉलेज मैदान म आयोजित जनजाति गौरव दिवस म मुख्यमंत्री विष्णु देव साय माई पहुना होही। जिला मुख्यालय म मंत्रीगण, सांसद अउ विधायक मुख्य पहुना होही। छत्तीसगढ़ शासन के सामान्य प्रशासन विभाग डहर ले राज्य के सबो कलेक्टर मन ल निर्देश जारी करे  हावय के जनजाति गौरव दिवस के आयोजन अनुसूचित जनजाति, अनुसूचित जाति विभाग के निर्देश के मुताबिक कार्यवाही सुनिश्चित करें।

जनजाति गौरव दिवस के मउका म आयोजित कार्यक्रम म बिलासपुर म तोखन साहू राज्य मंत्री भारत सरकार मुख्य पहुना होही। इही रकम ले ले मुंगेली म उप मुख्यमंत्री अरूण साव, राजनांदगावं म विधानसभा अध्यक्ष डॉ. रमन सिंह, सूरजपुर म मंत्री दयालदास बघेल, बस्तर म मंत्री केदार कश्यप अउ कोरबा म मंत्री लखन लाल देवांगन माई पहुना होही।

इही रकम ले मनेन्द्रगढ़-भरतपुर-चिरमिरी म मंत्री श्याम बिहारी जायसवाल, सरगुजा म मंत्री श्रीमती लक्ष्मी राजवाड़े, धमतरी म मंत्री टंकराम वर्मा, बलौदाबाजार-भाटापारा म सांसद बृजमोहन अग्रवाल, दुर्ग म सांसद विजय बघेल, कबीरधाम म सांसद संतोष पाण्डेय अउ बलरामपुर-रामानुजगंज म सांसद चिंतामणी महाराज माई पहुना होही।

इही रकम ले ले महासमुंद जिला म सांसद श्रीमती रूपकुमारी चौधरी, जशपुर म सांसद राधेश्याम राठिया, जांजगीर-चांपा म सांसद श्रीमती कमलेश जांगड़े, बीजापुर म सांसद महेश कश्यप, बालोद म सांसद भोजराज नाग, रायगढ़ म सांसद देवेन्द्र प्रताप सिंह, सारंगढ़-बिलाईगढ़ म विधायक पुन्नूलाल मोहले, सक्ति म विधायक अमर अग्रवाल,  कांकेर म विधायक सुश्री लता उसेंडी अउ मोहला-मानपुर-अम्बागढ़ चौकी म विधायक विक्रम उसेंडी माई पहुना होही।

इही रकम ले ले दंतेवाड़ा जिला म विधायक किरण देव, खैरागढ़-छुईखदान-गंडई म विधायक डोमनलाल कोर्सेवाड़ा, बेमेतरा म विधायक गजेन्द्र यादव, कोरिया म विधायक श्रीमती गोमती साय सिंह, गरियाबंद म विधायक गुरू खुशवंत साहेब, कोण्डागांव म विधायक ललित चन्द्राकर, गौरेला-पेण्ड्रा-मरवाही विधायक प्रणव कुमार मरपच्ची, नारायणपुर म विधायक नीलकंठ टेकाम अउ सुकमा म विधायक चौतराम अटामी माई पहुना होही।