छत्तीसगढ़ राज्य महिला आयोग के नवनियुक्त सदस्य संभाग म अपन जुमेदारी के निर्वहन करही। महिला आयोग के बइठक म नवा सदस्य मन के नियुक्ति होए के बाद संभागवार न्यायपीठ के गठन करे गिस। महिला आयोग के अध्यक्ष डॉ. किरणमयी नायक के अध्यक्षता म आयोजित बइठक म सबो सदस्य मन ल स्वयं ले संभाग चयन करे के प्रस्ताव रखिस। ओमन किहिन के अवइया 19, 20 अउ 21 नवंबर 2024 ल रायपुर मुख्यालय म महिला उत्पीडन ले संबंधित सुनवाई रखे गे हावय, जेमा सबो सदस्य मौजूद रइही। ओमन बताइन के 21 नवंबर 2024 ल बिहनिया 11 बजे सम्मिलन बइठक के आयोजन करे गे हावय।
नए सदस्य मन ल संभागवार जुमेदारी ए रकम ले हावय
- बस्तर संभाग के प्रमुख प्रभार सुश्री दीपिका सोरी अउ अकताहा प्रभार श्रीमती ओजस्वी मंडावी
- सरगुजा सभाग के प्रमुख प्रभार श्रीमती प्रियंवदा सिंह जुदेव अउ अकताहा प्रभार श्रीमती सरला कोसरिया
- बिलासपुर संभाग के प्रमुख प्रभार श्रीमती सरला कोसरिया अउ अकताहा प्रभार श्रीमती प्रियंवदा सिंह जुदेव
- रायपुर संभाग के प्रमुख प्रभार श्रीमती लक्ष्मी वर्मा अउ अकताहा प्रभार सुश्री दीपिका सोरी
- दुर्ग संभाग के प्रमुख प्रभार श्रीमती ओजस्वी मंडावी अउ अकताहा प्रभार श्रीमती लक्ष्मी वर्मा
बइठक म आयोग के सबो सदस्य सहित आयोग सचिव मनोज कुमार सिन्हा, सहायक संचालक श्रीमती पुष्पा किरण कुजूर अउ सबो कर्मचारीगण मौजूद रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।