जनजाति समुदाय के बैगा, गुनिया अउ सिरहा ल अब हर साल 5-5 हजार रूपिया के सम्मान निधि : मुख्यमंत्री विष्णु देव साय

मुख्यमंत्री विष्णु देव साय ह बस्तर विकास प्राधिकरण के बइठक के बाद उहां सर्किट हाउस म आयोजित कार्यक्रम म जनजाति परंपरा के संरक्षक बैगा, गुनिया अउ सिरहा ल शाल अउ श्रीफल भेंट करके सम्मानित करिन। ये कउका म ओमन ह किहिन के जनजाति समुदाय के बैगा, गुनिया अउ सिरहा ल अब हर साल 5-5 हजार रूपिया के सम्मान निधि दे जाही। ये पहल जनजाति समाज के सांस्कृतिक परंपरा ल प्रोत्साहन दे के संग उंकर आर्थिक सशक्तिकरण के दिशा म एक जरूरी कदम हावय।

मुख्यमंत्री साय ह किहिन के छत्तीसगढ़ सरकार जनजाति समाज के संस्कृति अउ परंपरा के संरक्षण अउ विकास के खातिर प्रतिबद्ध हावय। ए रकम ले के फैसला छत्तीसगढ़ के जनजाति क्षेत्र ल आत्मनिर्भर बनाये अउ उंकर गौरव ल बढ़ाये म सहायक साबित होही। बइठक के बखत मुख्यमंत्री ह जनजाति समुदाय के परंपरा ल संजोये अउ ओला समाज के विकास म भागीदार बनाये के महत्ता म जोर दीस। ए बखत वनमंत्री केदार कश्यप, विधायक जगदलपुर किरण देव, पूूूर्व विधायक महेश गागड़ा सहित  स्थानीय जनप्रनिधिगण मौजूद रिहिस।