छत्तींसगढ़ के राज्यपाल ह प्रदेस के महात्मा गांधी उद्यानिकी अउ वानिकी विश्वविद्यालय के कुलपति के तुरते प्रभाव ले हटा दे हावय। ए संबंध म राजभवन ले आदेश जारी करे गे हावय। राज्यपाल ह उद्यानिकी अउ वानिकी विश्वविद्यालय अधिनियम, 2019 के धारा 17 ले डॉ. राम शंकर कुरील ल महात्मा गांधी उद्यानिकी अउ वानिकी विश्वविद्यालय, पाटन, दुर्ग के कुलपति के पद ले तुरते प्रभाव ले हटाये जाये के आदेश दे हावय।
महात्मा गांधी उद्यानिकी अउ वानिकी विश्वविद्यालय अधिनियम, 2019 के धारा 14 (7) ले संभागायुक्त, रायपुर संभाग, रायपुर के तुरते प्रभाव ले अवइया आदेश तक महात्मा गांधी उद्यानिकी अउ वानिकी विश्वविद्यालय, पाटन, दुर्ग ल कुलपति क रुप म जुमेदारी निवर्हन बर नामनिर्देशित करे गे हावय। आदेश के परिपालन म संभागायुक्त डॉ संजय अलंग ह कुलपति पद के कार्यभार तको ग्रहण कर लिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।