 |
| Chhattisgarh Board of Secondary Education 18002334363 |
छत्तीसगढ़ माध्यमिक शिक्षा मण्डल डहर ले 01 मई ले 15 मई तक परीक्षा परिणाम ले उपजे तनाव प्रबंधन, कैरियर, विषय चयन संबंधी मार्गदर्शन खातिर हेल्पलाईन नम्बर 18002334363 म बिहनिया 10:30 बजे ले संझा 5:30 बजे तक परीक्षा देवइया के सवाल, संका के समाधान करे जात हावय। ए टोल फोकट म हेल्प लाईन नंबर म आज परीक्षा देवइया ह पूछिस के पुनर्मूल्यांकन करवाये ले नबर कम त नइ हो जाही। मउका परीक्षा पूरक के संग ही होवत हावय क्या? मउका परीक्षा कब तक होही? केमेस्ट्री म 3 नंबर आये हावय पुनर्मूल्यांकन करवाना चाहत हवं।
हेल्पलाईन म जिला ले आने-आने रकम ले के सवाल पूछिस गे के पुनर्मूल्यांकन करवाना हावय कइसे होही? फिजिक्स के पेपर अच्छा गे रिहिस नंबर कम आए हावयं, आर्टस सब्जेक्ट ले हावय। कैरियर म का ऑप्शन हावय? मोर बहिनी दू विषय म फेल हो गे हावय पूरक परीक्षा कब होही, नंबर कम आये हावय श्रेणी सुधार करे चाहत हवं। ओपन स्कूल के रिजल्ट कब आही 12वीं म फेल हो गे हवं, क्रेडिट योजना ले परीक्षा दे सकत हवं?
छत्तीसगढ़ माध्यमिक शिक्षा मण्डल के अध्यक्ष श्रीमती रेणु जी पिल्ले के संरक्षण म अउ सचिव श्रीमती पुष्पा साहू के आदेश के मुताबिक हेल्पलाईन संचालित हावय। परीक्षा परिणाम के पहिली पढ़ईया मन के मन म परीक्षा परिणाम के डर ले होए वाला तनाव के प्रबंधन, कैरियर, विषय चयन संबंधी मार्गदर्शन के खातिर आज मनोवैज्ञानिक, कैरियर काउंसलर तरूण कुकरेजा, डॉ. मोनिका साहू, उपसचिव जे. के. अग्रवाल के मार्गदर्शन, हेल्पलाइन नोडल अधिकारी डॉ. प्रदीप कुमार साहू के अगुवई म सहायक प्राध्यापक श्रीमती मनीषी सिंह, श्रीमती प्रीति शुक्ला, अंशुमन कसेर (IOI) डहर ले परीक्षा देवइया, अभिभावक म परीक्षा परिणाम ले पहिली उंकर मन म आने वाला आने-आने रकम ले के प्रश्न, समस्या के तुरते निराकरण करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।