अंजोर.बिलासपुर,ए। छत्तीसगढ़ राज्य विधिक सेवा प्राधिकरण, बिलासपुर डहर ले राज्य विधिक सेवा अउ अधीनस्थ स्थापना के खातिर आने-आने खाली पद म करे जात भरती के अनुक्रम म सहायक ग्रेड-3/आदेशिका लेखक/कम्प्यूटर आपरेटर अउ भृत्य पद के खातिर प्रारंभिक लिखित परीक्षा 10 मार्च 2024 के बिलासपुर के स्कूल म दू पाली म आयोजित होही।
Jobs in Chhattisgarh State Legal Services Authority
ए संबध म प्राधिकरण के सदस्य सचिव अउ चयन समिति के अध्यक्ष आनंद प्रकाश वारियाल ह बताइन के सहायक ग्रेड-3/आदेशिका लेखक/कम्प्यूटर आपरेटर अउ भृत्य पद बर प्रारंभिक लिखित परीक्षा के संबंध म जरूरी सूचना, प्रवेश पत्र, आवेदन करइया के सूची उक छत्तीसगढ़ राज्य विधिक सेवा प्राधिकरण के वेबसाईट https://cgslsa.gov.in म अपलोड करे गे हावय। जिहां ले आवेदन करइया अपन प्रवेश पाती डाउनलोड करके प्रिंट ले सकत हावय।
येकर संग ही 17 फरवरी 2024 के अनुवादक अउ वाहन चालक के पद बर आयोजित लिखित के तको परिणाम घोसित करत मेरिट लिस्ट तको वेबसाईट म अपलोड कर दे गे हावय। आवेदन करइया जादा जानकारी छत्तीसगढ़ राज्य विधिक सेवा प्राधिकरण के वेबसाईट म ले सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।