अंजोर.सिनेमा। छत्तीसगढ़ी फिलिम 'चाहत' प्रदेश के सिनेमाघर म 29 फरवरी ले रिलीज होवत हाबे। ये बीच सोशल मीडिया म गाना मन ओसरीपारी आवत हाबे। मिले आरो के मुताबिक फिलिम म नायक के रूप म आकाश साेनी अउ नायिका यास्मीन जायसवाल के जोड़ी देखे बर मिलही। वइसे आकाश सोनी के अब तक केऊ फिलिम आगे हावय, उहां यास्मीन तको छॉलीवुड म बड़ दिन ले काम करत हाबे।
'चाहत' के प्रदर्शन के आधिकारिक घोसना सोशल मिडिया म होए के संग ही प्रचार प्रसार तको चलत हाबे, गाना मन तको सोशल मीडिया म रंग जावत हाबे। बताये जाथे के ये फिलिम लव स्टोरी आए, अब आकाश के संग यास्मीन के रोमांस दर्शक ल कतका पसंद आथे ये तो रिलीज के बादे आरो मिलही। निर्माता खूशबू जायसवाल संग, राजा खान के निर्देशन के कमाल हे, बहरहाल 'चाहत' ल अनोखा प्रेम कहानी कहे जावथाबे। का अनोखा प्रेम कहानी हाबे तेन जाने बर 29 फरवरी के सिनेमाघर म जाना हे अउ फिलिम ल देखना हे।
 |
| चाहत फिल्म का पोस्टर विमोचन करते नायक आकाश सोनी अउ नायिका यास्मीन जायसवाल |
 |
| छत्तीसगढ़ी फिल्म 'चाहत' की नायिका यास्मीन जायसवाल |
 |
| छत्तीसगढ़ी फिल्म 'चाहत' का नायक आकाश सोनी |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।