ओजोन परत संरक्षण दिवस के मउका म पोस्टर अउ इन्वायरोथॉन प्रतियोगिता

अंजोर.रायपुर। छत्तीसगढ़ पर्यावरण संरक्षण मंडल डहर ले अंतर्राष्ट्रीय ओजोन परत संरक्षण दिवस के मउका म जन-जागरूकता बर स्कूली अउ महाविद्यालयीन पढ़इया लइका के पोस्टर अउ इन्वायरोथॉन प्रतियोगिता के आयोजन 14 सितम्बर, 2022 के नवा विश्राम गृह, सिविल लाइंस रायपुर म बिहनिया 10 बजे ले करे गे हावय। ये प्रतियोगिता म भाग ले बर भाग लेवइया आधार कारड अउ स्कूल या कॉलेज के पहचान परमान पाती के संग 14 सितम्बर, 2023 के नवा विश्राम गृह, सिविल लाईंस, रायपुर म बिहनिया 10 बजे तक उपस्थित हो सकत हावय।

पोस्टर प्रतियोगिता के विषय मॉन्ट्रियल प्रोटोकॉल- ‘ओजोन परत म सुधार अउ जलवायु बदलाव म कमी’ रखे गे हावय। प्रतियोगिता तीन उमर वर्ग म आयोजित के जाही। पहिली उमर वर्ग 12 ले 17 वर्ष, दूसरइया उमर वर्ग 18 ले 22 साल अउ तीसरा उमर वर्ग दिव्यांग मन के खातिर आयोजित हावय। इही रकम ले इन्वायरोथॉन प्रतियोगिता के विषय - ’खजाने के खातिर कचरा’ पहिली उमर वर्ग म कक्षा 10वीं ले कक्षा 12वीं अउ दूसरइया उमर वर्ग म सबो स्नातक के पढ़इया लइका अउ तीसरा वर्ग म सबो स्नातकोत्तर के छात्र-पढ़इया लइका भाग ले सकही। दुनों ही प्रतियोगिता म आकर्षक नगद पुरस्कार रखे गे हावय। भाग लेवइया मन के इही दिन मुख्य कार्यक्रम म संझा 04  बजे ले पुरस्कृत करे जाही।