अंजोर.रायपुर। गंभीर कुपोषित लइका के कुपोषण के चक्र ले बाहिर लान के प्रदेस म कुपोषण के दर म कमी लाने के खातिर मुख्यमंत्री बाल संदर्भ योजना के संचालन करे जात हावय। येकर तहत साल 22-23 म लगभग 1 लाख 46 हजार लइका के लाभान्वित करे गे हावय।
योजना के तहत गंभीर कुपोषित अउ संकटग्रस्त लइका के चिकित्सकीय परीक्षण के सुविधा, डॉक्टर डहर ले लिखे गे दवाएं अउ जरूरत नुसार बाल रोग विशेषज्ञ ले सलाह के सुविधा उपलब्ध कराइन जात हावय। ये सुविधा सबोच विकासखंड म महीना म 2 दिन संदर्भ दिन के रूप म चिन्हांकित करके दे जात हावय। चिकित्सकीय परीक्षण म लइका के संक्रमण के पहचान करे जात हावय। येकर अकताहा योजना म निजी चिकित्सा परीक्षण संस्थान म अधिकतम 300 रूपिया तक स्वास्थ्य जांच के सुविधा दीस हावय।
योजना के तहत एक हितग्राही के साल भर म अधिकतम 500 रूपिया तक के दवई अउ जरूरत होए म चिकित्सा अधिकारी के सलाह ले येकर ले जादा रकम के दवाएं तको उपलब्ध कराइन जात हावयं। निजी शिशु रोग विशेषज्ञ के सेवा म सम्मान स्वरूप 1000 रूपिया के मानदेय अउ 500 रूपिया तक यात्रा व्यय दे के प्रावधान हावय। येकर अकताहा कुपोषित लइका के परिवहन के खातिर तको आंगनबाड़ी कार्यकर्ता के रकम उपलब्ध कराइन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।