मुख्यमंत्री भूपेश बघेल ले पद्मश्री ले सम्मानित डॉ. किरण सेठ ह करिस मुलाकात, सायकल ले भारत यात्रा म निकले डॉ. सेठ रायपुर पहुंचिस

अंजोर.रायपुर। मुख्यमंत्री भूपेश बघेल ले 'सायकल विथ स्पिक मैके' के तहत रायपुर पहुंचे पद्मश्री ले सम्मानित डॉ. किरण सेठ ह सौजन्य मुलाकात करिस। बस्तर बैंड के पूरा दुनिया म पहचान देवाये वाला पद्मश्री अनुरंजन पांडे तको ए बखत मौजूद रिहिस। डॉ. सेठ 'स्पिक मैके' के संस्थापक हावयं। डॉ. सेठ ह गरीब लइका के खातिर अंग्रेजी माध्यम ले शिक्षा देवाये के खातिर स्वामी आत्मानंद उत्कृष्ट स्कूल के स्थापना करे अउ कला अउ संस्कृति के क्षेत्र म उत्कृष्ट बुता करे अउ कलाकार मन के प्रोत्साहित करे के खातिर मुख्यमंत्री बघेल के बढ़ई करिस।

डॉ. सेठ ह 15 अगस्त 2022 ले महात्मा गांधी के संदेश ल फैलाये, पर्यावरण संरक्षण अउ स्वास्थ्य के प्रति जागरूकता के संदेश लेके 'सायकल विथ स्पिक मैके' के तहत 15 अगस्त 2022 के कश्मीर के लेह-लद्दाख ले सायकल यात्रा के सुरू करिस। भारत भ्रमण म निकले ये यात्रा अभी रायपुर पहुंचिस हावयं। स्पिक मैके नामक ये संस्था शास्त्रीय नृत्य, संगीत अउ कला के क्षेत्र म काम करे के संग एक सार्थक जिनगी जीने के खातिर लोगन के जागरूक करत हावय। ए मउका म 'स्पिक मैके' के राष्ट्रीय उपाध्यक्ष श्रीमती सुमन डूंगा अउ छत्तीसगढ़ प्रमुख अजय श्रीवास्तव मौजूद रिहिस।