डौंडीलोहारा के गांव भरदा टटेंगा म महतारी बिंदेश्वरी पार्क अउ प्रतिमा के अनावरण करिन मुख्यमंत्री बघेल

डौंडीलोहारा के गांव भरदा टटेंगा म महतारी बिंदेश्वरी पार्क अउ प्रतिमा के अनावरण करिन मुख्यमंत्री बघेल

अंजोर.बालोद। मुख्यमंत्री भूपेश बघेल ह किहिन के उंकर महतारी स्वर्गीय श्रीमती बिंदेश्वरी देवी हमेशा किहिन के गांव, गरीब अउ किसान मन के उन्नति ले ही छत्तीसगढ़ अउ देश के उन्नति होही। बघेल ह किहिन के माँ के आदर्श ल आत्मसात् करके वो छत्तीसगढ के चहुंमुखी विकास अउ समाज के सबो वर्ग के कल्याण के खातिर सरलग बुता करत हावयं। 

मुख्यमंत्री भूपेश बघेल बालोद जिला के डौण्डीलोहारा विकासखण्ड के गांव भरदा टटेंगा म आयोजित महतारी बिंदेश्वरी देवी बघेल पार्क के लोकार्पण अउ प्रतिमा के अनावरण समारोह के मउका म अपन उद्गार व्यक्त करत रिहिस। बघेल कार्यक्रम म मुख्य पहुना के रूप म उपस्थित रिहिस। ओमन किहिन के राज्य सरकार के केऊ जन कल्याणकारी योजना मन के सफल क्रियान्वयन के सेती आज छत्तीसगढ़ पूरा देश म एक आत्मनिर्भर अउ खुशहाल राज्य के रूप म उभरे हावय। 

श्री बघेल ह कार्यक्रम म उपस्थित लोगन ल पवित्र सावन महीना के पहिली सम्मार के मउका म बधाई अउ सुभकामना तको दीस। ए मउका म मुख्यमंत्री बघेल ह गांव भरदा टटेंगा म नव बने महतारी बिंदेश्वरी बघेल पार्क के तिर म खरखरा नदी म पचरी निर्माण, बोटिंग बेवस्था अउ सौंदर्यीकरण अउ बिंदेश्वरी बघेल पार्क म सामुदायिक हॉल के बनाये बर 50-50 लाख रुपये, भरदा पुल ले मुख्य रद्दा जेवरतला तक 3.50 किलोमीटर सड़क बनाये बर 65 लाख रूपिया के रकम मंजूर करे के घोसना करिस। इही रकम ले ओमन गांव भरदा म कैलाश धाम ले मुक्ति धाम रद्दा के सीमेंटीकरण अउ सरकारी उच्चतर माध्यमिक स्कूल टटेंगा के उन्नयन करे के तको घोसना करिस। 

जानबा होवय के गांव भरदा टटेंगा के गांव वाला डहर ले राज्य म लागू के गे किसान हितैषी अउ जन कल्याणकारी योजना मन के खातिर मुख्यमंत्री बघेल के प्रति आभार व्यक्त करे बर रकम एकत्र करके महतारी बिंदेश्वरी बघेल पार्क अउ मूरति के बनाये कराइन गे हावय। मुख्यमंत्री बघेल ह गांव भरदा टटेंगा के गांव वाला के उंकर महतारी स्वर्गीय श्रीमती बिंदेश्वरी देवी के नाम ले पार्क अउ प्रतिमा बनाये करे के खातिर हिरदे ले धन्यवाद ज्ञापित करिन। ओमन गांव भरदा टटेंगा म बिंदेश्वरी पार्क अउ प्रतिमा के स्थापना के खातिर गांव वासी के संग-साथ जनपद सदस्य राजेश साहू के जरूरी योगदान के उल्लेख करत होइस ओला हिरदे ले धन्यवाद दीस। 

कार्यक्रम म महिला अउ बाल विकास मंत्री श्रीमती अनिला भेंड़िया, संसदीय सचिव अउ क्षेत्रीय विधायक कुंवर सिंह निषाद, संजारी बालोद के विधायक श्रीमती संगीता सिन्हा, जिला पंचायत अध्यक्ष श्रीमती सोनादेवी देशलहरा, जिला पंचायत उपाध्यक्ष मिथलेश निरोटी, जनपद अध्यक्ष जागृत सोनकर, जिला पंचायत सदस्य श्रीमती चंद्रप्रभा सुधाकर अउ श्रीमती मीना सत्येंद्र साहू, नगर पालिका बालोद के अध्यक्ष विकास चोपड़ा सहित आन जनप्रतिनिधि उपस्थित रिहिस।