अंजोर.रायपुर। स्वास्थ्य सेवा के सरलग विस्तार ले अब राज्य के 27 जिला अस्पताल म डायलिसिस के सुविधा विकसित करे गे हावय। येकर ले किडनी रोग ले पीड़ित मनके अब उंकर जिला मुख्यालय म ही फोकट म डायलिसिस के सुविधा मिलत हावय। प्रदेस के दूरस्थ अंचल के मरीज मन के अब डायलिसिस के खातिर बड़े शहर के रूख नइ करे ल पड़ रिहिन हावय। किडनी संबंधी रोग ले ग्रस्त मरीज के लंबा समय तक बार-बार डायलिसिस कराना परत हावय। येकर ले उन म बड़ा आर्थिक बोझ परत हावय। स्थानीय स्तर म ही फोकट म डायलिसिस के सुविधा मिले ले अब येकर मरीज मनला बड़का राहत मिले हावय।
स्वास्थ्य अउ परिवार कल्याण मंत्री टी.एस. सिंहदेव
स्वास्थ्य अउ परिवार कल्याण मंत्री टी.एस. सिंहदेव के पहल म राष्ट्रीय स्वास्थ्य मिशन, प्रधानमंत्री राष्ट्रीय डायलिसिस कार्यक्रम ‘जीवन धारा’ अउ जिला खनिज न्यास निधि (DMF) ले राज्य के 27 जिला मुख्यालय अउ देवभोग सामुदायिक स्वास्थ्य केंद्र म डायलिसिस के सुविधा सुरू के जा चुके हावय। ‘जीवन धारा’ के ले दुर्ग, कांकेर, बिलासपुर, महासमुंद, कोरबा, सरगुजा, जशपुर, बीजापुर, रायपुर, जांजगीर, जगदलपुर, गरियाबंद, मुंगेली, धमतरी, बलौदाबाजार, बैकुंठपुर, सूरजपुर, कवर्धा, राजनांदगांव, बालोद, बेमेतरा, गौरेला-पेंड्रा-मरवाही अउ सुकमा जिला अस्पताल अउ देवभोग सामुदायिक स्वास्थ्य केंद्र म डायलिसिस के सुविधा दे जात हावय।
इन 24 अस्पताल म कुल 106 डायलिसिस मशीन स्थापित करे गे हावयं जिहां अब तक 87 हजार 321 डायलिसिस सेशन करे जा चुके हावयं। पाछु वित्तीय साल 2022-23 म ये अस्पताल म किडनी रोग ले जूझत मरीज मन के कुल 46 हजार 679 डायलिसिस सेशन करे गे हावयं। प्रदेस के चार आन जिला अस्पताल दंतेवाड़ा, बलरामपुर, रायगढ़ अउ कोंडागांव म जिला खनिज न्यास निधि ले डायलिसिस के मशीन स्थापित करके ये सुविधा दे जात हावय। दंतेवाड़ा म चार, बलरामपुर अउ रायगढ़ म तीन-तीन अउ कोण्डागांव म एक डायलिसिस मशीन संचालित हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।