छत्तीसगढ़ के अस्मिता, स्वाभिमान अउ सम्मान के चिन्हारी आए छत्तीसगढ़ महतारी : मुख्यमंत्री भूपेश बघेल

अंजोर.जगदलपुर। मुख्यमंत्री भूपेश बघेल ह जगदलपुर के कलेक्टर कार्यालय परिसर म छत्तीसगढ़ महतारी के प्रतिमा के अनावरण करिन अउ पुष्पार्पित करके ओला नमन करिन। संभाग के पहिली जिला कार्यालय जहाँ छत्तीसगढ़ महतारी के प्रतिमा स्थापित करे गे हावय।

मुख्यमंत्री बघेल ह प्रतिमा अनावरण के बाद किहिन के छत्तीसगढ़ के अस्मिता, स्वाभिमान अउ सम्मान के चिन्हारी हावय छत्तीसगढ़ महतारी। ओमन किहिन के सबो जिला म छत्तीसगढ़ महतारी के प्रतिमा लगाये जाथे ताकि लोगन म अपन संस्कृति के लेके चेतना जागृत करे जा सके। 

अपन तीज-त्यौहार, लोकपरम्परा के जाने-समझे के भावी पीढ़ी के पर्याप्त मउका मिले, इही हमर प्रयास हावय। मुख्यमंत्री ह आगू किहिन के छत्तीसगढ़ सरकार अपन संस्कृति ल बढ़ावा दे के खातिर संकल्पित होके बुता करत हावय। छत्तीसगढ़ के परंपरागत तिहार के आयोजन करे जात हावय। तीजा-पोरा, अक्ती, हरेली छेरछेरा जइसे लोक जिनगी के तिहार ल बड़का स्तर म मनाये के सार्थक पहल होए हावय। बोरे-बासी ल आज पूरा देश जाने लगे हावय। आदिवासी नृत्य महोत्सव, देवगुड़ी के कायाकल्प, आदिवासी परब सम्मान निधि जइसे पहल के माध्यम ले जनजाति संस्कृति ल सम्मान देवाये के काम करे गे हावय।

ए मउका म उद्योग मंत्री कवासीलखमा, बस्तर सांसद दीपक बैज, बविप्रा के अध्यक्ष लखेश्वर बघेल, बविप्रा केउपाध्यक्ष विक्रम मंडावी, संसदीय सचिव रेखचन्द जैन, विधायक नारायणपुर चंदन कश्यप, पूर्व सांसद नन्द कुमार साय, महापौर श्रीमती सफीरा साहू, नगर पालिक निगम के अध्यक्ष श्रीमती कविता साहू, इंद्रावती बेसिन विकास प्राधिकरण के उपाध्यक्षराजीव शर्मा, अक्षय ऊर्जा प्राधिकरण के अध्यक्ष मिथिलेश स्वर्णकार, कमिश्नर श्याम धावड़े, आये जी सुंदरराज पी., कलेक्टर विजय दयाराम के. वरिष्ठ पुलिस अधीक्षक जितेंद्र मीणा सहित आन जनप्रतिनिधिगण अउ अधिकारी उपस्थित रिहिस।