पं. रविशंकर शुक्ल विश्वविद्यालय राज्य के सबले जुन्ना अउ सबले बड़का विश्वविद्यालय : मुख्यमंत्री भूपेश बघेल

पं. रविशंकर शुक्ल विश्वविद्यालय  दीक्षांत समारोह

अंजोर.रायपुर। मुख्यमंत्री भूपेश बघेल ह दीक्षांत समारोह ल संबोधित करत किहिन के पं. रविशंकर शुक्ल विश्वविद्यालय राज्य के सबले जुन्ना अउ सबले बड़का विश्वविद्यालय हावय। छह दशक ले विश्वविद्यालय ह गौरवपूर्ण उपलब्धि हासिल करे हावयं।

शिक्षा के क्षेत्र म राज्य सरकार डहर ले तेजी ले बुता करे जात हावय। बस्तर, सरगुजा के वनांचल म जिहां जरूरी होइस उहां कॉलेज खोलेन। मुख्यमंत्री ह किहिन के आज दीक्षांत समारोह म 76 परतिसत बेटी मन उपस्थित हावयं। ये नारी के सशक्त होए के चिन्हारी हावय। मुख्यमंत्री ह दीक्षांत समारोह के मुख्य वक्ता प्रो. वाई.एस. राजन के छत्तीसगढ़ म स्वागत करत किहिन के प्रॉफेसर राजन ह भारतीय अंतरिक्ष अनुसंधान संस्थान (ISRO) के अपन नवाचार डहर ले नवा ऊंचाई म पहुंचे म जरूरी योगदान देहे, हमारा सौभाग्य हावय के भारतरत्न ए.पी.जे. अब्दुल कलाम जी के निकटतम साथी रह चुके परसिध अन्तरिक्ष वैज्ञानिक पद्म प्रो. राजन आज के दीक्षांत समारोह म हमर बीच हावयं।