अंजोर.रायपुर। बच्चा के व्याधिक्षमत्व, पाचन शक्ति, सुरता शक्ति, शारीरिक शक्ति वर्धन अउ रोग ले बचाव के खातिर सरकारी आयुर्वेद कॉलेज अस्पताल रायपुर म आज 835 लइका के स्वर्णप्राशन कराइन। आयुर्वेद कॉलेज अस्पताल के कौमारभृत्य विभाग डहर ले हर पुष्य नक्षत्र तिथि म शून्य ले 16 साल के लइका के स्वर्णप्राशन कराये जाथे। जनसामान्य ल येकर प्रति जागरूक करत पाम्पलेट वितरण, आईक्यू मूल्यांकन (IQ Assessment) अउ लइका के स्वास्थ्य परीक्षण के संग फोकट म दवई बाटे गिस।
शासकीय आयुर्वेद कॉलेज अस्पताल परिसर म प्राचार्य प्रो. डॉ. जी.आर. चतुर्वेदी, अस्पताल अधीक्षक प्रो. डॉ. प्रवीण कुमार जोशी अउ कौमारभृत्य विभागाध्यक्ष प्रो. डॉ. नीरज अग्रवाल के निर्देशन म स्वर्णप्राशन कराइन गे। स्वर्णप्राशन समन्वयक डॉ. लवकेश चन्द्रवंशी ह बताइन के अभी ग्रीष्मकालीन छुट्टी के सेती स्कूल म येकर कैम्प मनांहि करे गे हावय। आयुर्वेद कॉलेज अस्पताल डहर ले ए साल पांच आन पुष्य नक्षत्र तिथि 9 जनवरी के 831, 4 फरवरी के 1124, 3 मार्च के 1137, 29 मार्च के 1290 अउ 27 अप्रैल के 860 लइका के स्वर्णप्राशन कराइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।